32 million sessiia bolǵannan keiin tehnikalyq kemshilikter boldy. Bul týraly Ortalyq kommýnikatsiialar ortalyǵynda «Tótenshe jaǵdai kezinde qashyqtyqtan oqytýdyń jańa formattary» taqyrybynda ótken onlain brifingte aityldy, dep habarlaidy QazAqparat.
«Ustazdar men oqýshylarǵa tanymal platformalardyń biri – Bilimland.kz. Osy platformada búgin 400 myńnan astam oqýshy jumys istedi. Bul platforma arqyly oqý jospary sheńberinde tiisti suraqtar beriledi jáne qatelermen jumys isteidi. Odan keiin qaitadan úsh deńgeili tapsyrmalar beriledi. Kerek bolsa astynda forýmdar bolyp, muǵalimder ol jerde tapsyrmalaryn bere alady», - deidi QR Bilim jáne ǵylym ministri Ashat Aimaǵambetov.
Ol platformalarda tehnikalyq aqaýlar bolǵanyn da aitty.
«Eki ret aqaý bolyp, eki ret te tiisti jumystardy júrgizdik. 32 million sessiia bolǵannan keiin máseleler týyndady, biraq ol máseleler sheshildi. Bul platforma kúni boiy da, qazir de jumys istep tur. Tehnikalyq máseleler boiynsha áriptesterimizdiń jumysyn kórip otyrmyz. Bul baǵyttarda úlken aýqymdy, mańyzdy jumystar jasaldy. Sonyń nátijesin búgin kórip otyrmyz. Tehnikalyq aqaýlarǵa qaramastan oqýshylar atalǵan paltformalar boiynsha jumys isteýlerine múmkindik boldy. Kúni-túni jumys istegen áriptesterimizge Bilim jáne ǵylym ministriligi atynan úlken alǵysymdy aitqym keledi», - deidi ol.
