Saryarqa tósinde oryn tepken elimizdiń bas qalasy – Astana 19 jasqa aiaq basty. Búgin barsha Qazaqstan halqy elorda kúnin mándi de sándi atap ótedi, dep habarlaidy "Ult aqparat".
Búgin Qazaqstannyń elordasy – Astana kúni. 1994 jyly QR Parlamenti otyrysynda Qazaqstan Prezidenti Nursultan Nazarbaev respýblikanyń astanasyn Almatydan Aqmolaǵa kóshirý týraly usynys jasady. 1997 jyly qazannyń 20-ynda astanany aýystyrý týraly Jarlyqqa qol qoidy. 1998 jyly mamyrdyń 6-ynda Aqmola qalasynyń ataýy Astana bolyp ózgerdi. 1998 maýsymnyń 10-ynda jańa elordanyń halyqaralyq tusaýkeser rásimi ótti. Bul kún 2006 jylǵa deiin astananyń týǵan kúni retinde atalyp ótip keldi. 2006 jyldan bastap shildeniń 6-y Astana kúni retinde atalyp ótedi.
Biyl qazaqstandyqtar Astana kúninde qatarynan tórt kún demalady. El turǵyndaryna yńǵaily bolý úshin demalys kúni senbiden, iaǵni 1 shildeden jumaǵa, 7 shildege aýystyryldy. Osylaisha, qazaqstandyqtar 6,7,8, jáne 9 shilde qatarynan 4 kún demalady.
Qalanyń baiyrǵy ataýlary: Aqmola (1830-dan 1961 jyldarǵa deiin), Tselinograd – 1961-den 1992 jyldarǵa deiin, Aqmola – 1992-den 1998 jylǵa deiin.
