British Petroleum Qazaqstannyń munai-gaz jobalaryna qatysa almaityndyǵyn resmi málimdedi. Bul týraly búgin «QazMunaiGaz» UK» AQ Basqarma tóraǵasynyń orynbasary Dáýren Qarabaev aitty, dep habarlaidy QazAqparat.
«British Petroleum-nyń Qazaqstannan ketkenine biraz ýaqyt boldy. Ózderińizde biletindei, 2009 jyly British Petroleum Qarashyǵanaq pen Kaspii qubyr konsortsiýmy jobalarynan shyǵyp ketken bolatyn. Bul sol kezdegi strategiiaǵa bailanysty edi», - dedi ol onlain brifing barysynda BAQ ókilderiniń saýalyna orai.
Onyń atap ótýinshe, 2019 jyly atalǵan kompaniia Qazaqstannyń munai-gaz jobalaryna kirýge nietti ekendigin bildirgen. «QazMunaiGaz» menedjmenti de mundai transulttyq kompaniianyń elimizge kelýi Qazaqstannyń barlyq munai-gaz salasyna oń yqpal etetin bolǵandyqtan yntymaqtastyqty jandandyrý múmkindikterin qarastyrǵan. Osyǵan bailanysty eki kompaniia arasynda yqtymaqtastyq pen ózara túsinistik týraly memorandým rásimdelgen.
«2019 jyldyń mamyrynda kompaniia qurlyqtaǵy jáne teńizdegi munai-gaz jobalaryna kirý múmkindikterin qarastyrdy. Alaida, ol qandai da bir jobaǵa kirgen joq. Bul tek qarastyrý kezeńi bolatyn. Taiaýda munai baǵasynyń ózgerýine, koronavirýs pandemiiasyna bailanysty atalǵan kompaniianyń jospary ózgerdi jáne keshirim surap hat jazdy. Onda taiaý ýaqytta Qazaqstandaǵy jobalar qarastyrylmaityndyǵy aitylǵan», - dedi Dáýren Qarabaev.
