Britaniia «úndilik» shtamnyń jyldam taralý qaýpi týraly meditsinalyq qaýymdastyqtyń jasaǵan eskertýlerine qaramastan, koronavirýsqa qarsy shekteýlerdi alyp tastaýdyń jańa kezeńine ótedi, dep habarlaidy VVS.
Ulybritaniiada úi-jailarda alty adamǵa deiin jinalýǵa bolady. Kafeler, barlar men meiramhanalar kelýshilerdi tek ashyq jazǵy verandalarda ǵana emes, sonymen qatar ishte de qabyldai alady.
Kóshede 30 adamǵa deiingi toptyń kezdesýine ruqsat etiledi. Murajailar, kinoteatrlar, stadiondar birtindep jumysyn bastaidy. Dúisenbiden bastap sportzaldarda jattyǵýǵa bolady. Angliia turǵyndary «jasyl» tizimdegi (Sovid-19 juqtyrý deńgeii tómen) elderge bara alady jáne elge oralǵannan keiin olar karantindi saqtaýǵa májbúr bolmaidy.
Senbide britandyq meditsinalyq qaýymdastyq shekteýlerdi alyp tastaýdyń zardaptary óte jaǵymsyz bolýy múmkin dep málimdedi.
Qaýymdastyqtyń málimdemesinde shekteýlerdiń alynyp tastalýy aýrýdyń kúrt ósýine ákelýi múmkin ekeni basa aitylǵan: birinshiden, jańa shtamnyń taralýy áldeqaida jeńil, ekinshiden, eldiń jas turǵyndaryna áli vaktsina egilmegen.
Densaýlyq saqtaý ministri Mett Henkok Ulybritaniia turǵyndaryna koronavirýstyń úndilik nusqasy órt siiaqty tez taralýy múmkin ekenin eskertti, ásirese áli vaktsina almaǵan adamdar arasynda.
Ol eldiń barlyq turǵynyn shekteýler joiylǵannan keiin muqiiat ári saq bolýǵa shaqyrdy.
Úndistanmen bailanysty kesh toqtatqany úshin synǵa alynǵan Ulybritaniia úkimeti dáiekti jáne durys áreket ettik dep málimdedi. Úkimet Úndistanmen bailanysqa qoiylǵan shekteýler eń qatań shekteý sharalarynyń birine ainalǵanyn jáne atalǵan shekteýler úndi shtamdary qaýipti dep tanylǵanǵa deiin eki apta buryn engizilgenin basa aitty.
Sonymen qatar úkimette aitylǵandai jáne qatań shekteýlerge deiin Úndistannan Ulybritaniiaǵa kelgenderdiń barlyǵy koronavirýsqa test tapsyryp, 10 kún karantinge jatqylyzýy kerek bolatyn.
Úkimet Úndistanmen bailanysty toqtata turý týraly sheshim qabyldaý úshin virýs juqtyrǵandardyń sany týraly emes, virýstyń túri, onyń juqpaly ekeni týraly aqparat mańyzdy bolǵanyn aitty.
Sarapshylar sońǵy aptada Ulybritaniiada koronavirýstyń «úndilik» shtammyn juqtyrý jaǵdailarynyń sany úsh esege artqanyna nazar aýdarady.
Ulybritaniia Premer-ministri Boris Djonson koronavirýstyń «úndilik» nusqasynyń taralýy shekteýlerdi alyp tastaý josparyna eleýli ózgerister engizýi múmkin ekenin moiyndady. Sonymen birge, onyń aitýynsha, Úkimet shekteýlerdi joiýdyń úshinshi kezeńin keiinge qaldyrýǵa sheshim qabyldady.
Dýbai áýejaiynyń atqarýshy direktory Pol Griffits «kovid tólqujattaryn» engizý halyqaralyq tasymaldardy tolyq qalpyna keltirý úshin qajet dep málimdedi.
«Meniń oiymsha, buǵan qandai da bir balama joq», - dedi Griffits VVS-ge bergen suhbatynda. Sonymen qatar, ol mundai qujattardyń engizilýin ózi tolyq qoldaitynyn atap ótti.
