Britaniia kinoteatrlary «Minony: Griývitatsiia» filmin kórýge jinalǵan fanattardyń is-áreketterimen kúresip álek. Buǵan TikTok jáne ondaǵy #gentleminions heshtegimen shyqqan jańa trend sebep bolyp otyr, dep habarlaidy QazAqparat agenttigi BBC News-ke silteme jasap.
Djentlminiondar – jasóspirimder kinoteatrǵa klassikalyq kostiým kiip jáne qoldaryn basty keiipker Feloniýs Griý siiaqty ustap keledi. Sodan keiin shýlap, seans kezinde túrli zattardy laqtyra bastaidy. Osy siýjetpen túsirilgen rolikterdi milliondaǵan jasóspirim kórip, kóbi qaitalaýǵa kirisken.
Al, kinoteatrlardyń kópshiligi jasóspirimderdiń osy áreketiniń kesirinen shyǵynǵa ushyrap jatyr. Óitkeni, olar seanstyń úzilýine bailanysty filmdi kóre almaǵandarǵa aqshalaryn qaitaryp berýge májbúr. Endi olardyń birqatary kostiým kigen jasóspirimderdiń zalǵa kirýine tyiym saldy. Tipti, Gernsi aralyndaǵy jalǵyz kinoteatr araǵa bes jyl salyp shyqqan kishkentai sary adamdar týraly jańa filmdi aryqarai kórsetýden múldem bas tartqan.
