Koronavirýstyń taralýyna jol bermeý jónindegi vedomstvoaralyq komissiia álemdegi epidemiologiialyq ahýalǵa sholý jasady, dep habarlaidy "Ult aqparat".
SARS-CoV-2 eshkimdi aiamaidy. Ulybritaniianyń densaýlyq saqtaý ministri COVID-19-ben syrqattanyp qaldy.
Sadjid Djavid Twitter paraqshasynda eki doza vaktsina qabyldaǵanyn jáne óz aǵzasynda aýrýdyń «jeńil» belgileri kórinis berip jatqanyn jazdy.
Qazirgi ýaqytta ministr otbasymen birge óz úiinde oqshaýlanǵan. S. Djavid aýrýdyń aýyr zardaptaryn boldyrmas úshin britandyqtardy vaktsinatsiiaǵa shaqyrdy.
Resmi málimetterge sáikes, Ulybritaniiada sońǵy táýlikte 51 870 jańa indet juqtyrý deregi anyqtaldy.
KVI faktileriniń jalpy sany 5 332 371-ge deiin artyp, Ulybritaniiada koronavirýstyń saldarynan qaitys bolǵandar sany 128 642 adamǵa jetti.
Bul elde eresekterdiń 87%-dan astamy vaktsinanyń alǵashqy dozasyn qabyldady, ekeýin de saldyrǵandardyń úlesi - 67%.
Iranda COVID-19 virýsyn juqtyrǵan azamattardyń sany ósip otyr. Ótken táýlikte 15 139 jańa jaǵdai anyqtaldy. Virýsty juqtyrǵandardyń jalpy sany 3 501 079-ǵa jetti.
Eldiń densaýlyq saqtaý ministrligi koronavirýs qurbandarynyń sany 86 966 adamdy quraǵanyn rastap, sońǵy 24 saǵat ishinde 175 adam qaitys bolǵanyn jariialady.
Irannyń COVID-19-ben kúres boiynsha ulttyq shtabynyń resmi ókili Alireza Raisi bul elde delta shtamy tez tarap jatqanyn málimdedi.
Búginge deiin Iranda koronavirýsqa qarsy 5 891 385 adamǵa vaktsina egilgen, onyń 2 252 021-i eki dozany da alǵan.
Qalypty týristik maýsymǵa taǵy qaýip tónip tur. Eýropa shekteýlerdi qaita kúsheite bastady.
Ispaniiada túngi jaǵajai keshterine tyiym salynady, elde komendanttyq saǵat engizilgen.
Túngi saǵat 1-den tańǵy 6-ǵa deiin koronavirýs juqtyrý qaýpi joǵary aýmaqtarda dalaǵa shyǵýǵa tyiym salynǵan.
Karantin shekteýleri Barselonada jáne áigili Sitjes, Saloý jáne Loret-de-Mar kýrorttarynda engizilgen.
Shekteýler eldegi delta shtamyn juqtyrǵandar sanynyń kóbeigenine bailanysty engizilip otyr, ásirese, vaktsinatsiiadan bas tartqan jastar arasynda aýrý tez taraǵan.
Grekiia da karantin talabyn kúsheitti. Tamyzdyń sońyna deiin tek vaktsinatsiialanǵan adamdar meiramhana, bar, teatrlar men kinoteatrlarǵa bara alady.
Eldegi infektsiia juqtyrǵandardyń kópshiligi deltamen syrqattanǵan. Bilik virýstyń taralýyna barlar men meiramhanalardy kinálaidy.
