21-25 qazan aralyǵynda azamattyq aviatsiiany retteýdiń britandyq modeline kóshý boiynsha tehnikalyq járdem kórsetý týraly kelisim sheńberinde Britandyq azamattyq aviatsiia agenttigi (UK Caa) sarapshylary Qazaqstanǵa keledi. Bul týraly QR Indýstriia jáne infraqurylymdyq damý ministrliginiń Azamattyq aviatsiia komiteti málimdedi, dep habarlaidy "Ult aqparat".
Birinshi kezeńde britandyq sarapshylar Qazaqstandaǵy zańnamany taldap, EASA/EO (Eýropalyq aviatsiialyq qaýipsizdik agenttigi) erejelerin odan ári engizý jáne olardy Britandyq azamattyq aviatsiia agenttiginiń modelimen sáikestendirý joldaryn usynady.
«Aviatsiialyq ákimshilik qyzmetiniń ártúrli baǵyttary boiynsha (ushýda paidalaný, ushý jaramdylyǵy, aerodromdar jáne jerdegi qyzmet kórsetý, aeronavigatsiia, aviatsiialyq qaýipsizdik, aviatsiialyq zańnama, aviaqyzmetkerimen jumys) sheteldik jáne otandyq sarapshylardan birlesken jobalyq top quryldy. Onyń quramynda: Piter Griffits – »Qazaqstannyń aviatsiialyq ákimshiligi« AQ Bas direktory, Rob Erskain —CAAi Aziia – Tynyq muhity aimaǵy boiynsha halyqaralyq operatsiialardyń jetekshisi, Gremhem Ýiler — CAAi halyqaralyq tehnikalyq resýrsynyń jetekshisi, Den Edvards — CAAi aǵa saiasi taldaýshysy, sondai-aq Qazaqstan Azamattyq aviatsiia jáne aviatsiialyq ákimshilik komitetiniń mamandary bar», - dep habarlady AAK.
Jobalaý tobynyń jumysy sheńberinde «EirAstana», «Skat», «Qazaviaqutqarý» aviakompaniiasynyń, Azamattyq aviatsiia akademiiasynyń, áýejailardyń, aeronavigatsiianyń ókilderimen ótken ózgeristerdi túsindirý boiynsha kezdesýler men prezentatsiialar, seminarlar, sondai-aq kezdesýler ótedi.
Eske sala keteiik, 2019 jyldyń 7 qazanynda Londonda Halyqaralyq Azamattyq aviatsiia agenttigi (CAAi) men Qazaqstannyń aviatsiialyq ákimshiligi arasynda azamattyq aviatsiiany retteýdiń britandyq modeline kóshý boiynsha tehnikalyq kómek kórsetý týraly shart jasalǵan bolatyn..
Retteýdiń jańa júiesi aviakólik sektorynyń ósýin qoldaidy jáne Qazaqstannyń aviatsiia salasynyń sapaly serpilisi úshin negiz bolady. Azamattyq aviatsiia komiteti sońǵy 1,5 jyl ishinde azamattyq aviatsiianyń negizgi zańyna jáne 61 zańǵa táýeldi normativtik quqyqtyq aktige tiisti ózgerister ázirlep, engizdi.
«Qazaqstannyń aviatsiialyq ákimshiligi» ushý qaýipsizdiginiń salalyq retteýishi joǵary halyqaralyq deńgeide baqylaý men qadaǵalaýdy júzege asyrýdy qamtamasyz etetin bolady, bul azamattyq aviatsiiany turaqty damytý jáne Qazaqstan arqyly aviatranzittiń tartymdylyǵyn arttyrý úshin de negiz bolady.
