Britandyq ǵalymdar «aq ergejeili» orbitasynan tirshilikke qolaily ǵalamshardy anyqtady, dep habarlaidy QazAqparat BBC-ge silteme jasap.
Britaniianyń astronomiialyq qoǵamynyń biýlleteninde jariialanǵan zertteý nátijesine sai, ǵalamshar «aq ergejeili» juldyzdyń orbitasynan tabylǵan. Eger ǵalymdardyń nátijeleri naqtylansa, bul osyndai juldyz orbitasyndaǵy tirshilikke qolaily birinshi ǵalamshar bolmaq.
«Biz «aq erjegeili» ainalasynda mundai qubylysty birinshi ret baqylyp otyrmyz», - dedi zertteý jetekshisi, London ýniversitettik kolledjiniń professory Djei Farihi. – Sol sebepti onyń orbitasyn ainalatyn ǵalamsharda tirshilik bolýy múmkin.
Endi astronomdar basqa «aq ergejeililer» ainalasynda jańa ǵalamsharlardy izdeýi kerek. Aspanda birnárse anyqtalyp jatsa, ol jalǵyz emes degendi bildiredi. Bul astronomiiadaǵy qalypty jaǵdai», - deidi Farihi.
