Braziliianyń soltústiginde Rio-Iari ózeninde keme aýdarylyp, saldarynan 18 adam qaza tapty, onyń ishinde úsheýi 7-11 jas aralyǵyndaǵy balalar. Bul týraly 3 naýryzda AFP habarlady.
Oqiǵa kezinde 46 adam qutqaryldy, taǵy 30 jolaýshy iz-túzsiz joǵalýshylar tiziminde. Izdeý jumystaryna tikushaqtar, ushaqtar men qutqarýshylar tartyldy.
«Anna Karolina III» ekiqabatty ózen kemesi 28 aqpanda Porto-dý-Gregodan Para shtatyndaǵy Santaren portyna bara jatqan. Kelesi kúni aýdarylǵan.
Braziliia bas prokýratýrasy apattyń sebebin anyqtaý úshin komissiia qurylǵanyn málimdedi. Aldyn ala málimet boiynsha, parom iesiniń jolaýshylar men júk tasymaldaýǵa ruqsaty bolmaǵan.
