Qazaqstan Syrtqy ister ministri Beibit Atamqulov elimizdiń kezekten tys prezident sailaýyna baqylaýshy retinde elordaǵa kelgen Braziliia Federativtik Respýblikasynyń Ulttyq kongress senatorlary Fransisko de Assis Rodriges jáne Jakes Vagnermen kezdesý ótkizdi. Bul týraly QR Syrtqy ister ministrliginiń baspasóz qyzmeti habarlady.
Syrtqy saiasi vedomstvo basshysy ótken sailaý - Qazaqstannyń halyqaralyq áriptester úshin ashyq progressivti el ekenin, demokratiialyq elde ómir súrý jáne eńbek etý erkindiginiń aiqyn kórinisi ekenin atap ótti.
Braziliia Prezidentiniń Senattaǵy ókili sanalatyn F. de Assis Rodriges prezident sailaýy joǵary uiymdastyrýshylyq deńgeide ótkenin atap ótip, ýchaskelerdegi daýys berý kezeńinde protsestiń transparenttiligin sóz etti. J. Vagner Qazaqstan Ortalyq sailaý komissiiasynyń júrgizgen jumysyna joǵary baǵa berdi. Onyń pikirinshe, ótken sailaý nátijeleri Qazaqstannyń demokratiialyq damý baǵytyndaǵy berik ustanymyn kórsetedi.
Kezdesý barysynda taraptar Qazaqstan-Braziliia ekijaqty qarym-qatynasynyń ózekti máselelerin talqylap, olardyń parlamentaralyq quramdastaryna erekshe nazar aýdardy.
Braziliia Senatyndaǵy Qazaqstanmen yntymaqtastyq jónindegi Parlamenttik toptyń jetekshisi F. de Assis Rodriges Qazaqstanmen birlese ekijaqty qarym-qatynasty nyǵaitýǵa, tájiribe almasýǵa jáne mańyzdy halyqaralyq bastamalardy ilgeriletýge daiyn ekenin aitty.
SIM basshysy parlamentaralyq diplomatiiadaǵy qarym-qatynasty damytýdyń mańyzyn atap ótip, Braziliia - Latyn Amerikasyndaǵy Qazaqstannyń basty saýda seriktesi ekenin aitty. Ol braziliialyq parlamentshilerdi saýda-ekonomikalyq bailanystardy keńeitýge belsendi túrde járdemdesýge shaqyrdy. «Qazatomónerkásip «UAK» AQ jáne «Embraer» siiaqty iri kompaniialardyń eki el naryǵyndaǵy tabysty qyzmetin sóz qylǵan ministr:
«Ótken jyly Qazaqstannyń Braziliiamen ekijaqty taýar ainalymy 150 million AQSh dollarynan asty. Bul kórsetkishtiń ósýi mańyzdy perspektivaǵa ie», - dep atap ótti.
