Bul týraly Braziliianyń SIM Aloizio Nýnes Ferreira Qazaqstan men Braziliia syrtqy ister ministrleriniń BAQ ókilderine arnalǵan brifinginde aitty, dep habarlaidy "Baq.kz".
Búgin Astanaǵa Braziliia Federativtik Respýblikasynyń syrtqy ister ministri Aloizio Nýnes Ferreira resmi saparmen keldi.
Brifing basynda Qazaqstan SIM Qairat Ábdirahmanov Qazaqstan men Braziliia qarym-qatynasynyń mańyzdy tustaryn atady.
Braziliianyń SIM Aloizio Nýnes onyń Qazaqstanǵa alǵashqy resmi sapary Braziliia men Qazaqstan arasyndaǵy ózara yntymaqtastyqty nyǵaitýǵa dálel ekenin aitty.
«Osy jyldyń qyrkúieginde Qazaqstan men Braziliia diplomatiialyq qarym-qatynastyń 25 jyl tolýyn atap ótti. Osy ýaqyt ishinde memleket basshylary deńgeiinde birneshe sapar boldy. Sonymen qatar, Braziliianyń ádilet ministri Astanaǵa kelgende ekijaqty úsh qujatqa qol qoiyldy. Sottalǵandardy berý, ekstraditsiialaý týraly jáne qylmystyq ister boiynsha quqyqtyq kómek kórsetý týraly kelisimder jasaldy. Endi men Qazaqstannyń aýyl sharýashylyǵy ministrimen kezdesemin. Bizdiń saýda qatynasymyzdyń bolashaǵy zor», - dedi ol.
Aloizio Nýnes Qazaqstan men Braziliia arasyndaǵy ekijaqty investitsiia kólemin 1 mlrd dollarǵa jetkizgisi keletinin málimdedi.
«Biz elder arasyndaǵy saýda ainalymyn belsendi qylý úshin birge jumys isteýge niettimiz. Investitsiianyń ekijaqty aǵymyn belsendi etip, mlrd dollarǵa deiin jetkize alamyz. Eki el ekonomikasy qarqyndy damyp jatyr, sondyqtan Qazaqstan men Braziliia isker ókilderi arasyndaǵy damýdy jalǵastyramyz. Qazaqstan prezidenti óz joldaýynda aitqandai, Qazaqstannyń alǵa qoiǵan maqsattary joǵary. Qazaqstannyń BUU Qaýipsizdik keńesiniń turaqsyz múshesi retindegi eki jyl ishinde konstrýktivtik áreketterin atap ótken jón. Qazaqstan men bizdiń iadrolyq qarýdan beibit álem qurý pozitsiiamyz uqsas. Biz ózara árekettestigimizdi jáne túrli baǵyttaǵy ekijaqty qatynasymyzdy keńeitýge niet bildiremiz», - dep qorytyndylady braziliialyq ministr.
Keshe SIM Qazaqstannyń Braziliia Federativtik Respýblikasyndaǵy elshisi Qairat Sarjanov BAQ ókilderine brifing ótkizgen bolatyn. Brifing Qazaqstanǵa resmi saparmen keletin Braziliianyń SIM Aloizio Nýnestiń alǵash ret resmi saparmen kelýine orai «Qazaqstan men Braziliia arasyndaǵy yntymaqtastyq jaiy jáne perspektivalary» taqyrybynda ótti.
Aita keteiik, 28 qazanda Braziliianyń jańa prezidenti bolyp Jair Messias Bolsonarý sailandy. QR Prezidenti Nursultan Nazarbaev quttyqtaý joldaǵan bolatyn.
1 qarashada Braziliia Federativtik Respýblikasynyń Syrtqy ister ministri Aloizio Nýnesa Ferreira Qazaqstan Respýblikasyna resmi saparmen keledi.
Elshi brifing barysynda Braziliiada esirtkimen ustalǵan qazaqstandyqtar jaily aitty jáne Qazaqstan men Braziliia arasynda 2018 jyldyń qańtar-tamyz aralyǵynda taýar ainalymy 82,3 mln dollardy quraǵanyn málimdedi.
Braziliialyq Embraer kompaniiasy álemde jolaýshylar tasymaldaityn ushaq shyǵaratyn kompaniia retinde tanymal. Elshiniń aitýynsha, Eir Astana osy kompaniiadan kelesi jyly 5 ushaq satyp alýdy josparlap otyr.
Elshi qazaqstandyqtar Latyn Amerikanyń birneshe eline vizasyz kirýi múmkin ekenin málimdedi.
