2023 jyldan bastap Qazaqstannyń munai eksporty jylyna 12 mln tonnaǵa artatyn bolady. Bul týraly búgin elordada ótip jatqan XII Kazenergy Eýraziialyq forýmy aiasynda uiymdastyrylǵan baspasóz máslihatynda QR Energetika ministri Qanat Bozymbaev aitty, dep habarlaidy QazAqparat.
«Jalpy aitqanda, eksport kólemi aldaǵy 2-3 jyldyń ishinde turaqty bolady. 2023 jyldan bastap eksport kólemi jylyna 10-12 mln tonnaǵa ósedi. Bul eń bastysy Teńiz munai ken ornymen bailanysty. Qazir osy ken ornynda úlken investitsiialyq joba jalǵasyp jatyr. 38 mlrd AQSh dollaryndai investitsiia salynyp, igerilýde», - dedi ol.
Ministrdiń atap ótýinshe, Teńiz ken ornyndaǵy investitsiialyq jobalardyń arqasynda 2023 jylǵa qarai munai eksporty jylyna 12 mln tonnaǵa ósedi Sebebi atalaǵan ken ornynan óndirilgen munaidyń basym bóligi eksportqa shyǵarylady.
«Munan bólek kelesi múmkindik Qashaǵanǵa bailanysty bolady. Bul ken ornynyń múmkinshiligi de birtindep ósedi», - dedi Qanat Bozymbaev.
