2023 جىلدان باستاپ قازاقستاننىڭ مۇناي ەكسپورتى جىلىنا 12 ملن تونناعا ارتاتىن بولادى. بۇل تۋرالى بٷگٸن ەلوردادا ٶتٸپ جاتقان XII Kazenergy ەۋرازييالىق فورۋمى اياسىندا ۇيىمداستىرىلعان باسپاسٶز مەسليحاتىندا قر ەنەرگەتيكا مينيسترٸ قانات بوزىمباەۆ ايتتى, دەپ حابارلايدى قازاقپارات.
«جالپى ايتقاندا, ەكسپورت كٶلەمٸ الداعى 2-3 جىلدىڭ ٸشٸندە تۇراقتى بولادى. 2023 جىلدان باستاپ ەكسپورت كٶلەمٸ جىلىنا 10-12 ملن تونناعا ٶسەدٸ. بۇل ەڭ باستىسى تەڭٸز مۇناي كەن ورنىمەن بايلانىستى. قازٸر وسى كەن ورنىندا ٷلكەن ينۆەستيتسييالىق جوبا جالعاسىپ جاتىر. 38 ملرد اقش دوللارىنداي ينۆەستيتسييا سالىنىپ, يگەرٸلۋدە», - دەدٸ ول.
مينيستردٸڭ اتاپ ٶتۋٸنشە, تەڭٸز كەن ورنىنداعى ينۆەستيتسييالىق جوبالاردىڭ ارقاسىندا 2023 جىلعا قاراي مۇناي ەكسپورتى جىلىنا 12 ملن تونناعا ٶسەدٸ سەبەبٸ اتالاعان كەن ورنىنان ٶندٸرٸلگەن مۇنايدىڭ باسىم بٶلٸگٸ ەكسپورتقا شىعارىلادى.
«مۇنان بٶلەك كەلەسٸ مٷمكٸندٸك قاشاعانعا بايلانىستى بولادى. بۇل كەن ورنىنىڭ مٷمكٸنشٸلٸگٸ دە بٸرتٸندەپ ٶسەدٸ», - دەدٸ قانات بوزىمباەۆ.
