Energetika ministri Qanat Bozymbaev Almatyda AI-92 markaly benzinniń arzandaý sebebin túsindirdi, dep habarlaidy Sputnik Qazaqstan tilshisi.
"Qazir Qazaqstanda benzinniń artylyp qalyp jatqany baiqalýda. Qańtardan beri osylai", — dedi ministr úkimet kýlýarynda.
Aitýynsha, Shymkenttiń munai óńdeý zaýytynda, jalpy elde taýardyń artylyp, barlyq rezervýardyń tolyp qalý qaýpi týyndaǵan. Sondyqtan MÓZ-diń júktemesi tómendetilgen.
Sondai-aq, Bozymbaev Almatyda janar-jaǵarmai baǵasynyń tómendeýi – naryq reaktsiiasy ekenin atap ótti.
"Qazirgi tańda benzin baǵasy rettelmeidi. Shamamen 150 teńge shamasynda qalady dep boljap otyrmyz", — dedi ministr.
Aita ketsek, búgin birqatar BAQ Almatyda benzin arzandaǵanyn habarlaǵan edi.
