Búgin Ispaniianyń Kastelon qalasynda bokstan «Boxam» halyqaralyq týrniriniń jartylai finaldyq kezdesýleri ótti. Onyń nátijesinde qazaqstandyqtar 4 medal jeńip aldy, dep habarlaidy "Ult aqparat" Olympic.kz saityna silteme jasap.
Jartylai finaldyq kezdesýlerin 5 boksshymyz ótkizdi:
57 kelide sharshy alańǵa shyqqan Serik Temirjanov Pýerto-Riko sportshysy Djean Paýlǵa ese jiberdi. Nátijesinde, jarysty jartylai finaldan toqtatyp, qola júldeger atandy.
69 kelide judyryqtasqan Abylaihan Júsipov el qorjynyna ekinshi qolany saldy. Ol úndistandyq Vikas Krishannan jeńildi.
81 kelige deiingi salmaq dárejesinde synǵa túsken Bekzad Nurdáýletov te jartylai finalda súrindi. Ol italiialyq Fori Simoneden utylyp, qola júldeni qanaǵat tutty.
91 keliden joǵary salmaqta ispaniialyq Aiýb Gadfa Drissi el-Aissaýi otandasymyz Nurlan Saparbaidan basym tústi. Sportshymyz qorjyndy taǵy bir qolamen tolyqtyrdy.
91 kelidegi Vasilii Levit finalǵa joldama aldy. Jartylai finalda ol litvalyq Tamasaýkas Tadasty utty.
Buǵan deiin finalǵa 52 kelidegi Mahmud Sabyrhan shyqqan bolatyn.
Finaldyq jekpe-jekter 5 naýryz kúni ótedi.
