بٷگٸن يسپانييانىڭ كاستەلون قالاسىندا بوكستان «Boxam» حالىقارالىق تۋرنيرٸنٸڭ جارتىلاي فينالدىق كەزدەسۋلەرٸ ٶتتٸ. ونىڭ نەتيجەسٸندە قازاقستاندىقتار 4 مەدال جەڭٸپ الدى, دەپ حابارلايدى "ۇلت اقپارات" Olympic.kz سايتىنا سٸلتەمە جاساپ.
جارتىلاي فينالدىق كەزدەسۋلەرٸن 5 بوكسشىمىز ٶتكٸزدٸ:
57 كەلٸدە شارشى الاڭعا شىققان سەرٸك تەمٸرجانوۆ پۋەرتو-ريكو سپورتشىسى دجەان پاۋلعا ەسە جٸبەردٸ. نەتيجەسٸندە, جارىستى جارتىلاي فينالدان توقتاتىپ, قولا جٷلدەگەر اتاندى.
69 كەلٸدە جۇدىرىقتاسقان ابىلايحان جٷسٸپوۆ ەل قورجىنىنا ەكٸنشٸ قولانى سالدى. ول ٷندٸستاندىق ۆيكاس كريشاننان جەڭٸلدٸ.
81 كەلٸگە دەيٸنگٸ سالماق دەرەجەسٸندە سىنعا تٷسكەن بەكزاد نۇردەۋلەتوۆ تە جارتىلاي فينالدا سٷرٸندٸ. ول يتالييالىق فوري سيمونەدەن ۇتىلىپ, قولا جٷلدەنٸ قاناعات تۇتتى.
91 كەلٸدەن جوعارى سالماقتا يسپانييالىق ايۋب گادفا دريسسي ەل-ايسساۋي وتانداسىمىز نۇرلان ساپاربايدان باسىم تٷستٸ. سپورتشىمىز قورجىندى تاعى بٸر قولامەن تولىقتىردى.
91 كەلٸدەگٸ ۆاسيليي لەۆيت فينالعا جولداما الدى. جارتىلاي فينالدا ول ليتۆالىق تاماساۋكاس تاداستى ۇتتى.
بۇعان دەيٸن فينالعا 52 كەلٸدەگٸ ماحمۇد سابىرحان شىققان بولاتىن.
فينالدىق جەكپە-جەكتەر 5 ناۋرىز كٷنٸ ٶتەدٸ.
