Foto:t.me/KZgovernment
Premer-ministr Álihan Smaiylov jylý elektr ortalyǵyndaǵy apattarǵa ákep soqqan sebepter týraly aitty, - dep habarlaidy Tengrinews.kz portaly.
Bul týraly Úkimet basshysy Ministrler kabinetiniń otyrysynda aitty.
"Qyrkúiekte osy másele boiynsha Úkimettiń kezekten tys otyrysyn ótkizdik. Sonda ákimdikter eshqandai problemalyq máselelerdiń joqtyǵyn aityp, jylý berý kezeńine daiyn ekenin aitty. Degenmen, bos esep pen jalǵan aqparat problemalarǵa ákeldi. Eki aida eki iri apat boldy – Ridder men Ekibastuzda. Bul rette Óskemen, Rýdnyi, Temirtaý, Semei, Aqtaý, Pavlodar qalalarynda jylýmen qamtý boiynsha kúrdeli jaǵdai baiqaldy", - dedi Premer-ministr.
Smaiylov jaǵdaidy qatań baqylaýda ustap, jylýmen qamtý júieleri men basqa da injenerlik jelilerdiń jumysyn turaqtandyrý boiynsha barynsha belsendi sharalar qabyldaýdy tapsyrdy.
"Keiinge qaldyrýǵa bolmaidy. Tekserýler bastaldy. Óńirlerdegi jaǵdai olar kórsetýge tyrysqan jaǵdaidan da sumdyq bolyp shyqty, bar problemalar jasyryldy. Qarjylandyrýdyń jetkiliksizdigi jańǵyrtý men sapaly jóndeýge múmkindik bermedi. Stantsiialar men jeli ieleri jetkilikti kólemde investitsiia salǵan joq. Bizde qys óte aýyr boldy jáne osy ýaqytqa deiin apattar boldy, biraq munsha kóp jáne mundai aýqymda emes", - dedi Smaiylov.
