Foto: Abai oblysy ákimdiginiń baspasóz qyzmeti
Abai oblysyndaǵy Borodýliha aýdany gýmanitarlyq kómek alyp jatyr, dep habarlaidy "Ult aqparat" óńir ákimdiginiń baspasóz qyzmetine silteme jasap.
Órttiń alǵashqy kúnderinen-aq Borodýliha aýdanyndaǵy apatqa eriktiler men qamqor azamattar jáne jergilikti ákimdik kómekke kelgen.
Gýmanitarlyq kómekti jinaýǵa tek memlekettik organdar men partiia uiymdary ǵana emes, kásiporyndar, jeke tulǵalar, kommertsiialyq emes uiymdar, máslihat depýtattary, Dostyq úii men Qazaqstan halqy Assambleiasynyń ókilderi de atsalysyp, jerlesterine turaqty túrde azyq-túlik, dári-dármek, birinshi qajettilik zattaryn jóneltip jatyr.
Barlyq gýmanitarlyq kómek arnaiy kólikterge tielip, órtpen belsendi túrde kúres júrgizilip jatqan aýmaqtarǵa - Borodýliha-Jernovka men Ozerki-Talitsaǵa jóneltilip, jetkizilgen.
Ákimdik málemitenshe, kún saiyn 80-ge jýyq jergilikti erikti men Semei, Óskemen jáne Astana qalalarynan 100-den astam adam órtti sóndirýge kómek kórsetip jatyr. Olardyń ornyn turaqty túrde ózge de janashyr azamattar almastyryp otyr. Tek sońǵy táýlikte 1,5 tonna aýyz sý, 400 keli qoi eti, qus eti, 600 keli kókónis (kartop, piiaz, sábiz), 100 litrden astam mai berilgen. Al sharýa qojalyqtarynyń basshylary azyq-túlik jetkizý úshin eki kólik bólgen.
«Osyndai qiyn sátte bárimiz judyryqtai jumylýymyz kerek! Bizdiń Otanymyz bir! Bul apatty da birge eńserýimiz kerek», - deidi Semeidiń belsendi volonterleriniń biri Evgeniia Pavel.
