"Han Shatyr" saýda ortalyǵynyń syrtqy qabaty boran saldarynan ziian shekti, dep habarlady Astana Tótenshe jaǵdailar jónindegi baspasóz qyzmeti Sputnik Qazaqstan agenttigine.
"Saǵat 15.20 kezinde qońyraý túsip, Han Shatyr saýda ortalyǵyna belgisiz zattar ushyp tiiýine bailanysty, shatyrdyń syrtqy qabatynda 1,5-2 sharshy metrdei kólemdegi tórt tesik paida bolǵany habarlandy. Ǵimaratqa eshqandai qaýip tónip turǵan joq jáne qazirgi ýaqytta kómek te kerek emes", — dep málimet berdi vedomstvo.
