"Aitylǵan ánimiz úshin aqsha tólesin!" Elimizdiń ánshi, sazgerleri avtorlyq quqyqtyń múldem saqtalmaitynyna narazylyq bildirdi. Iaǵni meiramhana, kafe men karaoke sekildi kóńil kóterý oryndarda ánimiz oryndalǵanymen, ol úshin soqyr tiyn almaimyz dep ashynyp otyr.
«Karaokede ǵana bizdiń «ABK» kezindegi «Tamshylardan» bastap, qazirgi «Ainalaiyn» deiin ánderimiz bar. Biraq biz olardan bir tiyn da almaimyz. Ony zerttep, qarap jatqan birde-bireýi joq. Ol ujymdardyń bireýi de otchet tapsyrmaidy», – deidi Bolmanov.
Negizi, avtorlyq quqyq týraly zań boiynsha meiramhana, karaoke klýbtarda ánshiniń jeke týyndysy shyrqalsa, oǵan gonorar tólenýi tiis. Bir ánniń quny shamamen 500 teńge. Biraq, paidany kózdegen biznesmender artyq shyǵyndanǵysy kelmeidi deidi óner ieleri. Tek, sanaýly kásipkerler ǵana arasynda aqsha aýdaryp turǵan eken. Keiin onysyn múldem qoiypty. Sondyqtan, ánshiler zańdy belsheden basqan biznesmenderdi sabasyna túsirip, bylyqqa batqan salany bir júiege keltirip, retteýdi talap etip otyr.
