Foto: saliqaly.kz
Nursultan Nazarbaevtyń inisi Bolat Nazarbaev 71 jasqa qaraǵan shaǵynda qaitys boldy.
«2023 jyldyń 13 qarashasynda saǵat 09.51-de Bolat Nazarbaev qaitys boldy», - dep habarlady Almatydaǵy Ortalyq qalalyq klinikalyq aýrýhananyń baspasóz qyzmetinen.
Sondai-aq aqparatty Tuńǵysh Prezidenttiń baspasóz hatshysy Aidos Úkibai Twitter-degi paraqshasynda rastady.
«71 jasqa qaraǵan shaǵynda sozylmaly aýrýdyń saldarynan QR Tuńǵysh Prezidenti Nursultan Nazarbaevtyń týǵan inisi Bolat Ábishuly Nazarbaev dúnieden ozdy», - dep jazdy ol.
Bolat Nazarbaev 1953 jyly 23 naýryzda týǵan.
1973-1988 jyldary «Shamalǵan» keńsharynda mehanik, aǵa mehanik, brigadir, direktordyń orynbasary bolǵan.
1988-1989 jyldary – Qaskeleń qalasy nan zaýyty direktorynyń orynbasary.
1989 jyldan 1992 jylǵa deiin kásipkerlikpen ainalysqan.
«Inkar Agro» JShS-nyń vitse-prezidenti, BN Invest holdinginiń direktory qyzmetin atqardy.
Sonymen qatar, «Saliqaly urpaq» qaiyrymdylyq uiymyn qurdy.
Buǵan deiin BAQ-ta Bolat Nazarbaevtyń aýrýhanaǵa túskeni jáne onyń jaǵdaiy aýyr ári turaqsyz ekeni habarlanǵan bolatyn.
