Oblys ákiminiń pikirinshe, bul jylý energiiasy tapshylyǵy men ekologiia máselelerin sheshýge múmkindik beredi, dep habarlaidy pavlodarnews.kz.
«Nur Otan» partiiasynyń oblystyq filialynda ótken qorytyndy keńes barysynda oblys ákiminiń birinshi orynbasary Ulan Jazylbek óńirdegi injenerlik jelilerdiń tozǵanyn aitty. Onyń sózine qaraǵanda, oblys boiynsha bul kórsetkish 59%. «2020 jyly 75 shaqyrym elektr symdary, 21 shaqyrym jylýmen qamtý, 49 shaqyrym sýmen qamtý jáne 37,6 shaqyrym káriz jelileriniń jóndeý jumystary josparlanýda. Árine, bul jaǵdaidy aitarlyqtai jaqsarta almaidy. Desek te, birte-birte jelilerdi jańartyp kelemiz»,- dedi Ulan Jazylbek.
Sonymen birge, oblys ákiminiń birinshi orynbasarynyń aitýynsha, JETs-1 tozyǵy jetkenin eskersek, balama jylý kózderin izdei bastaý kerek. Óńir basshysy Bolat Baqaýov osy máseleni strategiialyq turǵydan sheshý qajettigin atady.
«Elbasy «Saryarqa» jobasyn usynǵanda gaz qubyryn ári qarai Petropavl men Pavlodarǵa deiin tartýdy tapsyrǵan bolatyn. Gaz Qaraǵandyǵa jetti. Endigi ýaqytta onyń Qaraǵandydan Baianaýylǵa tartylǵany úshin eńbektenýimiz kerek. Ári qarai ony Maiqaiyń arqyly Ekibastuz ben Pavlodarǵa tartý qajet. Osy arqyly jylý energiiasy tapshylyǵy men ekologiia máselesi sheshilmek», - deidi Bolat Baqaýov. Óńir basshysy orynbasarlaryna osy máseleni jiti zerttep, quzyrly ministrlikpen sheshý múmkindikterin izdeýdi tapsyrdy.
