Foto ashyq derekkózden alyndy
Energetika ministri Bolat Aqsholaqov Ekibastuzdaǵy apattyń sebepterin atady, dep habarlaidy QazAqparat portaly.
«Ekibastuzdaǵy apat – keshendi qatelik. Oǵan stantsiia bastyǵy nemese injener ǵana kináli dep aita almaimyn. JEO-da qysymdy kórsetetin esepteý quraldarynyń metrologiiasyna qatysty suraqtar boldy. Menińshe, datchikterdiń burys kórsetkishinen keiin mamandar qysymdy joǵarylatýǵa kirisken. Sóitip, jylý jelilerindegi qysym artty, al tozyǵy jetken jeli oǵan tótep bere almady. Kommýnaldyq qyzmet shuǵyl shara qabyldamady. Mine, osylardyń kesirinen turǵyn úiler jylýsyz qaldy. Turǵyn úilerdiń jylý qubyrlary men radiatorlar zaqymdandy. Endi olardy tolyǵymen aýystyrý qajet», - dedi Bolat Aqsholaqov OKQ-de ótken baspasóz máslihatynda.
Ministrdiń aitýynsha, energetika ministrligi generatsiia men tikelei stantsiiaǵa jaýapty. Al, jylý jelileri kommýnaldyq qyzmettiń jaýapkershiliginde.
Eske salsaq, 27 qarashada Ekibastuz jylý elektr ortalyǵynda apat bolyp, qala turǵyndary jylýsyz qaldy. 28 qarasha kúni tańerteń qalada jergilikti aýqymdaǵy tótenshe jaǵdai jariialandy.
Bas prokýratýra Ekibastuzdaǵy apatty tergeý eki aiǵa deiin sozylatynyn málim etti.
