فوتو اشىق دەرەككٶزدەن الىندى
ەنەرگەتيكا مينيسترٸ بولات اقشولاقوۆ ەكٸباستۇزداعى اپاتتىڭ سەبەپتەرٸن اتادى, دەپ حابارلايدى قازاقپارات پورتالى.
«ەكٸباستۇزداعى اپات – كەشەندٸ قاتەلٸك. وعان ستانتسييا باستىعى نەمەسە ينجەنەر عانا كٸنەلٸ دەپ ايتا المايمىن. جەو-دا قىسىمدى كٶرسەتەتٸن ەسەپتەۋ قۇرالدارىنىڭ مەترولوگيياسىنا قاتىستى سۇراقتار بولدى. مەنٸڭشە, داتچيكتەردٸڭ بۇرىس كٶرسەتكٸشٸنەن كەيٸن ماماندار قىسىمدى جوعارىلاتۋعا كٸرٸسكەن. سٶيتٸپ, جىلۋ جەلٸلەرٸندەگٸ قىسىم ارتتى, ال توزىعى جەتكەن جەلٸ وعان تٶتەپ بەرە المادى. كوممۋنالدىق قىزمەت شۇعىل شارا قابىلدامادى. مٸنە, وسىلاردىڭ كەسٸرٸنەن تۇرعىن ٷيلەر جىلۋسىز قالدى. تۇرعىن ٷيلەردٸڭ جىلۋ قۇبىرلارى مەن رادياتورلار زاقىمداندى. ەندٸ ولاردى تولىعىمەن اۋىستىرۋ قاجەت», - دەدٸ بولات اقشولاقوۆ وكق-دە ٶتكەن باسپاسٶز مەسليحاتىندا.
مينيستردٸڭ ايتۋىنشا, ەنەرگەتيكا مينيسترلٸگٸ گەنەراتسييا مەن تٸكەلەي ستانتسيياعا جاۋاپتى. ال, جىلۋ جەلٸلەرٸ كوممۋنالدىق قىزمەتتٸڭ جاۋاپكەرشٸلٸگٸندە.
ەسكە سالساق, 27 قاراشادا ەكٸباستۇز جىلۋ ەلەكتر ورتالىعىندا اپات بولىپ, قالا تۇرعىندارى جىلۋسىز قالدى. 28 قاراشا كٷنٸ تاڭەرتەڭ قالادا جەرگٸلٸكتٸ اۋقىمداعى تٶتەنشە جاعداي جارييالاندى.
باس پروكۋراتۋرا ەكٸباستۇزداعى اپاتتى تەرگەۋ ەكٸ ايعا دەيٸن سوزىلاتىنىن مەلٸم ەتتٸ.
