Bolashaqta eńbek naryǵynda «Millienialdar» men «Z-urpaǵy» mańyzdy ról atqarady. Bul týraly QR Eńbek jáne halyqty áleýmettik qorǵaý vitse-ministri Erjan Birjanov aitty, dep habarlaidy QazAqparat.
«Avtomattandyrý táýekeline eski qyzmetterdi kózdeitin kásipter barynsha beiim. Bul rette osy mamandyqtar boiynsha bilimniń eskirý qaýpi bar ǵana emes, olar múldem joǵalyp ketýi yqtimal. Bilim berý men jumyspen qamtý salasyndaǵy saiasat halyqtyń árbir sanatynyń, jastarynyń sipattamasyn eskerýi tiis», - dedi vitse-ministr Májiliste jumyskerlerdi qaita oqytý jáne olardyń daǵdylaryn turaqty jetildirý jónindegi jańa tásilderge arnalǵan dóńgelek ústel otyrysy barysynda.
Onyń atap ótýinshe, bolashaqta eńbek naryǵynda «Millienialdar» men «Z-urpaǵy» mańyzy ról atqarady.
«Olardyń tsifrlyq saýattylyǵy joǵary deńgeide. Jumyspen qamtýdyń ikemdi nysandaryna tez aýysa alady jáne bilim alýǵa kóp ýaqyt bólýge daiyn. Sondyqtan biz daǵdylar men bilimge qoiylatyn tez ózgeristerdiń qajettiligine júieli túrde daiyn bolýymyz qajet», - dedi Erjan Birjanov.
