Bilim salasynyń mamandarymen kezdesken Saiasat Nurbek bolashaqta álemdik eńbek naryǵynda qandai til tanymaldyqqa ie bolatynyn aitty, dep habarlaidy QazAqparat.
«Qazir álem halqynyń sany 8 mlrd-tan asty. Biyl Úndistan resmi túrde halqy eń tyǵyz ornalasqan el atandy. Al taiaý jyldary turǵyndary milliardtan asady dep boljanǵan úsh memleket bar. Olar – Indoneziia, Nigeriia jáne Afrika. Taiaý keleshekte eńbek naryǵynyń basym bóligin Afrika halqy quraidy. Al 2050 jylǵa qarai álem boiynsha 35 jasqa tolmaǵan jumys kúshiniń jartysy Afrika úlesinde bolmaq. Osyǵan bailanysty aldaǵy ýaqytta frantsýz jáne arab tilderi tanymal bolady. Osyny eskerip, niet bolsa balalaryńyzǵa qosymsha frantsýz tilin oqytsańyzdar bolady», - dep zertteýlerge negizdelgen boljammen bólisti QR Ǵylym jáne joǵary bilim ministri.
