QR BǴM «Halyqaralyq baǵdarlamalar ortalyǵy» AQ «Bolashaq» memlekettik stipendiiasynyń jańa talaptaryn jariialady.
Uiymnyń baspasóz qyzmetiniń málimdeýinshe, «Bolashaq» stipendiiasyna úmitkerlerdi irikteý qaǵidalary ózgertiledi jáne baǵdarlama modernizatsiialandy.
«Halyqaralyq baǵdarlamalar ortalyǵy» AQ júrgizgen monitoring nátijeleri men sybailas jemqorlyq táýekelderin taldaý boiynsha, QR Prezidentiniń «Bolashaq» halyqaralyq stipendiiasyn taǵaiyndaý qaǵidalaryna birqatar ózgeris ázirlendi. QR Bilim jáne ǵylym ministrliginiń normativtik-quqyqtyq aktilerine ózgeris engizildi. Olar eń aldymen ashyqtyqty arttyrýǵa, barlyq úmitkerler úshin teń múmkindikter jasaýǵa, irikteýdiń obektivtiligin kúsheitýge jáne biýrokratiialyq kedergiler men burynǵy máselelerdi sheshýge baǵyttalǵan», - dep habarlady «Halyqaralyq baǵdarlamalar ortalyǵy» AQ baspasóz qyzmeti.
1. Basym mamandyqtardyń jańa tizimi
Stipendiia alýǵa bolatyn basym mamandyqtar tizimi eńbek naryǵy qajettilikteriniń ortasha boljamyn eskere otyryp, qaita qurylady. Ony jumyspen qamtý máseleleri jónindegi ýákiletti organ áleýmettik-ekonomikalyq damý perspektivalary men taldaý negizinde jasaidy. Bul Qazaqstan Respýblikasynyń kásiporyndary men uiymdaryna qajet joǵary bilikti kadrlardy daiarlaýǵa kómektesedi.
2. Halyqaralyq stipendiia úmitkerlerine arnalǵan kvotalyq sanattar qysqartyldy
Stipendiia úmitkerleriniń barlyǵyna múmkindik birdei beriledi. Úmitkerlerdiń barlyq jeńildik kvota sanattary alynyp tastalady. Barlyq úmitkerler sheteldik joǵary oqý oryndaryna óz betimen túsýi tiis.
Sondai-aq, jańa Qaǵidalarda aýyldyq jerden shyqqan úmitkerlerdi qospaǵanda, buryn usynylǵan aldyn ala tildik daiyndyq kýrstary alynyp tastaldy.
3. Halyqaralyq stipendiia úmitkerlerine qoiylatyn memlekettik jáne shet tilderin bilý talaptaryn arttyrý
Jańa Qaǵidalar boiynsha irikteý týrlary aiasynda til bilý deńgeiin tekserý alyp tastalǵan. Úmitkerler derbes test tapsyrýlary kerek jáne qujattardy tapsyrý kezinde memlekettik (KazTEST V1) jáne shet tilinen (keminde IELTS 6.5) sertifikat usynýlary tiis.
4. Halyqaralyq stipendiia taǵaiyndaýǵa arnalǵan barlyq úmitker úshin konkýrstyq irikteý týrlarynyń sanyn qysqartý
Konkýrstyq irikteý kezindegi 6 týrdyń ornyna jalpy 3 týr bolady. Ýájdemelik jáne usynys hattaryn baǵalaý, sondai-aq memlekettik jáne shet tilderin bilý deńgeiin anyqtaý boiynsha irikteý týrlary qysqarady. Irikteý týrlarynda ziiatkerlik jáne emotsionaldyq IQ deńgeiin anyqtaýǵa arnalǵan keshendi testileý, táýelsiz saraptamalyq komissiia múshelerimen jeke áńgimelesý jáne shetelde kadrlar daiarlaý jónindegi respýblikalyq komissiianyń úmitkerlerdi qarastyrýy qamtylady.
5. Táýelsiz saraptamalyq komissiianyń jumysy
Táýelsiz saraptamalyq komissiianyń (TSK) quramyna qoiylatyn talap kúsheitiledi, endi komissiia quramyndaǵy 3 adamnyń ornyna keminde 5 adam sheshim qabyldaidy. Úmitkerlerdi irikteýdiń búkil protsesi jáne barlyq komissiia otyrystary onlain taratylady. Óz jumysynyń barysynda komissiianyń qoia alatyn barlyq suraqtary, onyń ishinde qosymsha suraqtary da naqty reglamentteledi.
6. Qujattardy qabyldaý men konkýrstyq irikteý rásimin avtomattandyrý
Elektrondyq úkimettiń veb-portalynda úmitkerdiń jeke kabineti arqyly úmitkerlerdiń qujattaryn qabyldaý protsesi tolyqtai avtomattandyryldy. Qazirgi tańda adami faktordyń qatysýyn azaitý maqsatynda konkýrstyq irikteý kezeńderiniń avtomattandyrylýyn qamtamasyz etý jumystary júrgizilýde. Atap aitqanda, búkil irikteý protsesi Prezidenttik kadrlyq rezervke irikteý úlgisi boiynsha tsifrlyq platformany paidalaný arqyly júrgiziledi.
Ortalyq sonymen birge qadamdyq nusqaýlyqtar ázirleidi jáne reglamentteýshi qujattarǵa sáikes konkýrstyq irikteýge qatysatyn qyzmetkerlerdiń jaýapkershiligin kúsheitedi.
7. Ákimshini sapaly qaita júkteý
2019 jylǵy qyrkúiekten bastap baǵdarlama ákimshisiniń jumysynda ózgerister bolyp jatyr: Ortalyqtyń Direktorlar keńesi 4 táýelsiz direktordy qosý arqyly kúsheitildi, beiindik bólimshelerge kásibi kadrlar qabyldandy, onyń ishinde «Bolashaq» baǵdarlamasynyń túlekteri bar, sheteldegi ókildikter sany qysqartyldy. Baspasóz hatshysy jáne ádep jónindegi ýákil laýazymdary engizildi, 2 keńesshi men ortalyqtyń 1 vitse-prezidenti laýazymdary qysqartyldy, sondai-aq ortalyqtyń shtaty qysqardy.
Komplaens-ofitser laýazymy engizildi, jumysynyń maqsaty – múddeler shielenisin retteý, sondai-aq Qazaqstan Respýblikasynyń qoldanystaǵy zańnamasyn buzýǵa bailanysty yqtimal táýekelderdiń, onyń ishinde sybailas jemqorlyqtyń aldyn alý. Konkýrstyń barlyq kezeńderiniń barynsha ashyq ótýine qol jetkizý jáne obektivti sheshim qabyldaý maqsatynda bos laýazym oryndaryna jańa qyzmetkerlerdi qabyldaýdy tsifrlandyrý boiynsha jumys júrgizilýde.
«Biz engizip jatqan ózgerister, eń aldymen «Bolashaq» stipendiiasyn taǵaiyndaýdyń ashyqtyǵyn arttyrýǵa baǵyttalǵan. Biz osy kúnge deiin bolǵan barlyq yqtimal sybailas jemqorlyq táýekelderin joidyq. Biz, elimizdegi tek úzdikterdiń úzdigi ǵana halyqaralyq prezidenttik stipendiia boiynsha bilim alsa eken deimiz», - dep habarlady «Halyqaralyq baǵdarlamalar ortalyǵy» AQ prezidenti Ainur Káribozova.
Jańa qaǵidalar QR Úkimetiniń Qaýlysymen bekitilgennen keiin «Halyqaralyq baǵdarlamalar ortalyǵy» AQ www.bolashak.gov.kz resmi saitynda jariialanady.
Aita keteiik, «Bolashaq» halyqaralyq stipendiiasy QR Prezidentiniń 1993 jylǵy 5 qarashadaǵy №1394 qaýlysymen bekitilgen. 26 jyl ishinde bul baǵdarlama arqyly 10738 maman daiarlandy, qazirgi ýaqytta 7226 túlek ózderiniń sharttyq mindettemelerin oryndady, 3331 túlek eńbekpen óteý monitoringinde.
