Qazaqstanda pedagogikalyq baǵytta oqityn stýdentter men doktoranttarǵa stipendiia kólemi artady. Tiisti qujat Ashyq normativtik-quqyqtyq aktiler portalynda jariia talqyǵa usynyldy, dep habarlaidy "Ult aqparat".
Shákirtaqy somasyn kóterýge Memleket basshysy Qasym-Jomart Toqaevtyń 2020 jylǵy 27 mamyrdaǵy Ulttyq qoǵamdyq senim keńesiniń úshinshi otyrysynda bergen tapsyrmasy negiz boldy.
«Joǵary bilimniń bilim berý baǵdarlamalaryn iske asyratyn bilim berý uiymdarynda daiarlaýdyń pedagogikalyq baǵyttarynda oqityn oqityn stýdentterge – 42000 teńge», - delingen qujatta.
Al basqa mamandyqtardaǵy stýdentterge stipendiia burynǵy 26 186 teńge somasynda beriledi.
Munymen qosa, doktoranttardyń stipendiiasy 150000 teńgege jetedi. Qazirgi kezde olarǵa 102 498 teńge somasynda berilip keledi.
Osy qaýly 2020 jylǵy 1 qyrkúiekten bastap qoldanysqa engiziledi.
Eske sala keteiik, biyl mamyrda QR Prezidenti Qasym-Jomart Toqaev pedagogika mamandyqtarynyń stipendiiasyn 26 myń teńgeden 42 myń teńgege arttyrýdy tapsyrdy.
Sonymen qatar Prezident doktoranttardyń stipendiiasyn 150 myń teńgege deiin kóbeitý qajettigin aitqan edi.
