Bilim jáne ǵylym ministri Ashat Aimaǵambetovtiń «Bolashaq» baǵdarlamasyna qatysatyn sheteldik joǵary oqý oryndarynyń tizimi bekitilgen buiryǵy jariialandy, dep habarlaidy "Ult aqparat".
Tizimge jalpy sany 207 oqý orny kirgen. Olardyń qatarynda Oksford, Kembridj, Garvard, Djons Hopkins Ýniversiteti, Vena ýniversiteti, Geidelberg ýniversiteti siiaqty ýniversitetter bar.
«Bolashaq» halyqaralyq stipendiiasyn iske asyrýdyń keibir sharalary týraly» buiryqta atalǵan 207 oqý orny qandai ólshemder boiynsha iriktelgeni aitylǵan.
Iaǵni, halyqaralyq baǵdarlamaǵa usynylatyn sheteldik oqý oryndary men uiymdar úsh halyqaralyq akademiialyq reitingke kirýi kerek jáne osy reitingilerdiń keminde ekeýinde alǵashqy 250 pozitsiiadan oryn alýy tiis.
Al reitingilerdiń tizimi mynadai: Kvakarelli Saimonds (QS World University Rankings) álemniń úzdik ýniversitetteriniń álemdik reitingi, Álem ýniversitetteriniń akademiialyq reitingi (Academic Ranking of World Universities), Taims basylymynyń deregi boiynsha álemdegi úzdik ýniversitetter reitingi (Times Higher Education World University Rankings).
Konkýrsqa qujattardy qabyldaý 4 mamyr men 28 qazan aralyǵynda júrgiziledi. Al konkýrs 1 maýsym men 30 qarasha aralyǵynda ótedi.
Buiryqtyń mátininde «Bolashaq» arqyly álemniń úzdik oqý oryndarynda igerýge bolatyn 73 mamandyqtyń tizimi de berilgen. Ol tizimmen myna siltemeden tanysýǵa bolady.
