Mádeniet jáne sport salasynyń qyzmetkerleri «Bolashaq» baǵdarlamasy boiynsha taǵylymdamadan óte alady, dep habarlaidy "Ult aqparat" Bilim jáne ǵylym ministrligine silteme jasap.
Ministrliktiń málimetinshe, «Bolashaq» baǵdarlamasy qazaqstandyqtardyń taǵylymdamasy úshin canattar tizimin keńeitedi. Endi mádeniet jáne sport salasynyń qyzmetkerleri sheteldik jetekshi joǵary oqý oryndarynda (mysaly, New York Film Academy, University of the Arts London, Scuola Musicale di Milano jáne t.b.) taǵylymdamadan óte alady. Ártis, rejisser, sýretshi, ónertanýshylar bir jyl boiy «Art-menedjment», «Dizain. Sýret», «Dirijerleý», «Ónertaný», «Stsenografiia» jáne taǵy da basqa mamandyqtar boiynsha oqi alady. Dene shynyqtyrý jáne sport salasynyń mamandary «Sport psihologiiasy», «Sport meditsinasy», «Sport quqyǵy» siiaqty baǵyttar boiynsha biliktilikterin arttyra alady.
«Buryn mádeniet jáne sport salasynyń qyzmetkerleri «Bolashaq» baǵdarlamasy boiynsha taǵylymdamadan ótpegen. Elimizde osy salalardyń damýyn qoldaý maqsatynda qajetti jumystar jasaldy. Endi mádeniet jáne sport mamandarynda álemniń bedeldi sheteldik joǵary oqý oryndary men uiymdarynda ózderiniń kásibi deńgeiin arttyrý múmkindigi bar. Kriteriilerge keletin bolsaq, úmitkerlerdiń keminde úsh jyl jalpy jumys ótili, onyń ishinde sońǵy 12 ai tańdaǵan mamandyǵy boiynsha jumys ótili bolýy tiis. Sondai-aq qabyldaýshy sheteldik uiymnan shaqyrtýdyń, V1 deńgeiinen kem emes nátijesi bar til boiynsha emtihan tapsyrǵany týraly sertifikattyń bolýy mindetti», – dep atap ótti QR BǴM Halyqaralyq baǵdarlamalar ortalyǵy prezidentiniń m.a. Daniiar Muqitanov.
Stipendiattar taǵylymdamadan ótý úshin kepilge jyljymaityn múlik qoimaidy. Mindettemelerdiń oryndalýyn qamtamasyz etý úshin sońǵy 12 ai ishinde turaqty tabysy bar 50 jasqa deiingi eki Qazaqstan azamatyn kepilger retinde usynsa jetkilikti.
2021 jyly densaýlyq saqtaý, mádeniet, sport salasynyń qyzmetkerleri, pedagogter, memlekettik qyzmetkerler, injener-tehnikterdiń taǵylymdamadan ótýi úshin 110 «Bolashaq» stipendiiasy bólingen.
Esterińizge sala keteiik, halyqaralyq stipendiiany taǵaiyndaý konkýrsyna qatysý úshin qujattardy qabyldaý 4 mamyrda bastalyp, 28 qazanǵa deiin jalǵasady.
