مەدەنيەت جەنە سپورت سالاسىنىڭ قىزمەتكەرلەرٸ «بولاشاق» باعدارلاماسى بويىنشا تاعىلىمدامادان ٶتە الادى, دەپ حابارلايدى "ۇلت اقپارات" بٸلٸم جەنە عىلىم مينيسترلٸگٸنە سٸلتەمە جاساپ.
مينيسترلٸكتٸڭ مەلٸمەتٸنشە, «بولاشاق» باعدارلاماسى قازاقستاندىقتاردىڭ تاعىلىمداماسى ٷشٸن cاناتتار تٸزٸمٸن كەڭەيتەدٸ. ەندٸ مەدەنيەت جەنە سپورت سالاسىنىڭ قىزمەتكەرلەرٸ شەتەلدٸك جەتەكشٸ جوعارى وقۋ ورىندارىندا (مىسالى, New York Film Academy, University of the Arts London, Scuola Musicale di Milano جەنە ت.ب.) تاعىلىمدامادان ٶتە الادى. ەرتٸس, رەجيسسەر, سۋرەتشٸ, ٶنەرتانۋشىلار بٸر جىل بويى «ارت-مەنەدجمەنت», «ديزاين. سۋرەت», «ديريجەرلەۋ», «ٶنەرتانۋ», «ستسەنوگرافييا» جەنە تاعى دا باسقا ماماندىقتار بويىنشا وقي الادى. دەنە شىنىقتىرۋ جەنە سپورت سالاسىنىڭ ماماندارى «سپورت پسيحولوگيياسى», «سپورت مەديتسيناسى», «سپورت قۇقىعى» سيياقتى باعىتتار بويىنشا بٸلٸكتٸلٸكتەرٸن ارتتىرا الادى.
«بۇرىن مەدەنيەت جەنە سپورت سالاسىنىڭ قىزمەتكەرلەرٸ «بولاشاق» باعدارلاماسى بويىنشا تاعىلىمدامادان ٶتپەگەن. ەلٸمٸزدە وسى سالالاردىڭ دامۋىن قولداۋ ماقساتىندا قاجەتتٸ جۇمىستار جاسالدى. ەندٸ مەدەنيەت جەنە سپورت ماماندارىندا ەلەمنٸڭ بەدەلدٸ شەتەلدٸك جوعارى وقۋ ورىندارى مەن ۇيىمدارىندا ٶزدەرٸنٸڭ كەسٸبي دەڭگەيٸن ارتتىرۋ مٷمكٸندٸگٸ بار. كريتەرييلەرگە كەلەتٸن بولساق, ٷمٸتكەرلەردٸڭ كەمٸندە ٷش جىل جالپى جۇمىس ٶتٸلٸ, ونىڭ ٸشٸندە سوڭعى 12 اي تاڭداعان ماماندىعى بويىنشا جۇمىس ٶتٸلٸ بولۋى تيٸس. سونداي-اق قابىلداۋشى شەتەلدٸك ۇيىمنان شاقىرتۋدىڭ, ۆ1 دەڭگەيٸنەن كەم ەمەس نەتيجەسٸ بار تٸل بويىنشا ەمتيحان تاپسىرعانى تۋرالى سەرتيفيكاتتىڭ بولۋى مٸندەتتٸ», – دەپ اتاپ ٶتتٸ قر بعم حالىقارالىق باعدارلامالار ورتالىعى پرەزيدەنتٸنٸڭ م.ا. دانييار مۇقيتانوۆ.
ستيپەندياتتار تاعىلىمدامادان ٶتۋ ٷشٸن كەپٸلگە جىلجىمايتىن مٷلٸك قويمايدى. مٸندەتتەمەلەردٸڭ ورىندالۋىن قامتاماسىز ەتۋ ٷشٸن سوڭعى 12 اي ٸشٸندە تۇراقتى تابىسى بار 50 جاسقا دەيٸنگٸ ەكٸ قازاقستان ازاماتىن كەپٸلگەر رەتٸندە ۇسىنسا جەتكٸلٸكتٸ.
2021 جىلى دەنساۋلىق ساقتاۋ, مەدەنيەت, سپورت سالاسىنىڭ قىزمەتكەرلەرٸ, پەداگوگتەر, مەملەكەتتٸك قىزمەتكەرلەر, ينجەنەر-تەحنيكتەردٸڭ تاعىلىمدامادان ٶتۋٸ ٷشٸن 110 «بولاشاق» ستيپەنديياسى بٶلٸنگەن.
ەستەرٸڭٸزگە سالا كەتەيٸك, حالىقارالىق ستيپەندييانى تاعايىنداۋ كونكۋرسىنا قاتىسۋ ٷشٸن قۇجاتتاردى قابىلداۋ 4 مامىردا باستالىپ, 28 قازانعا دەيٸن جالعاسادى.
