Densaýlyq saqtaý ministri Aleksei Tsoi «Bolashaq» baǵdarlamasynyń el meditsinasyn damytýdaǵy rólin atady, dep habarlaidy "Ult aqparat".
«Táýelsizdik jyldarynda Qazaqstandaǵy densaýlyq saqtaý júiesiniń qýaty artty. Biz zamanaýi ǵylymi meditsinalyq ortalyqtarǵa, Qazaqstanda engizilgen biregei jańa tehnologiialarǵa ie boldyq. Kardiohirýrgiianyń negizi qalanyp, aǵzany transplantatsiialaý biz úshin úirenshikti qubylysqa ainaldy. Buryn azamattarymyz shetelde ǵana igiligin paidalanatyn zamanaýi biregei tehnologiialar qazir Qazaqstanda keńinen qoldanylady» - dedi ministri Meditsina qyzmetkerleri kúnine arnalǵan kezdesýde.
Onyń aitýynsha, Qazaqstan meditsinasynyń bolashaǵy tsifrlyq tehnologiialarmen tikelei bailanysty.
«Bizdiń kóptegen áriptesterimiz «Bolashaq» baǵdarlamasynyń arqasynda álemniń úzdik institýttary men joǵary oqý oryndarynda bilim aldy. Qazir olar eldegi biregei meditsinalyq mekemelerde eńbek etip júr. Osy jyldar ishinde biz densaýlyq saqtaý júiesiniń áleýetin qalyptastyrdyq, kólik meditsinasyn, telemeditsinany damyttyq. Qazir meditsinalyq pasporttar men barlyq aqparat tsifrlandyrylǵan deńgeige jetti. Tsifrlyq tehnologiialardy densaýlyq saqtaý júiesiniń igiligine jegýdiń kókjiegi áli keń. Ýaqyt ornynda turmaidy. Meditsina jańa qiyndyqtarmen birge damyp jatyr. Pandemiia búkil álem qaýymdastyǵyna densaýlyq saqtaý júiesiniń ainalasynda shoǵyrlaný qajet ekenin kórsetti. Indettiń zerttelmegen, jańa sipatty bolǵanyna qaramastan, biz tolyqtai beiimdelip, halyqaralyq tájiribeni meńgerip, virýsqa qarsy tura aldyq», - dedi Aleksei Tsoi.
