QR Memlekettik hatshysy Qyrymbek Kósherbaev Shetelde kadrlar daiarlaý jónindegi respýblikalyq komissiianyń otyrysyn ótkizdi, dep habarlaidy Aqorda.
Qazaqstan Respýblikasynyń Memlekettik hatshysy Qyrymbek Kósherbaevtyń tóraǵalyǵymen Shetelde kadrlar daiarlaý jónindegi respýblikalyq komissiianyń kezekti otyrysy ótti.
Komissiianyń sheshimimen «Bolashaq» halyqaralyq stipendiiasy boiynsha magistratýra men doktorantýraǵa oqýǵa baratyn, sondai-aq álemniń jetekshi ǵylymi jáne óndiristik ortalyqtaryna taǵylymdamaǵa jiberiletin 123 úmitker anyqtaldy.
Buǵan deiin 2020 jylǵy konkýrstyq irikteýdiń eki leginiń nátijesinde Komissiia sheshimimen 163 stipendiia taǵaiyndalǵan bolatyn.
Anyqtama úshin: Qazirgi tańda «Bolashaq» baǵdarlamasy sheńberinde 621 stipendiat bilim alyp jatyr, atap aitqanda, 524 stipendiat 19 elde, 97-si Qazaqstan aýmaǵynda qashyqtan oqidy.
