26 jyldan beri qazaqstandyq stýdentterdiń shetelde bilim alyp, taǵylymdamadan ótýine múmkindik berip kele jatqan "Bolashaq" halyqaralyq baǵdarlamasy 27 shildede magistratýra, doktorantýra, rezidentýra jáne taǵylymdamaǵa barý baǵdarlamalary boiynsha stipendiiasyn taǵaiyndaý konkýrsyn bastady. Konkýrsqa qujat onlain rejimde qabyldanady, qatysýshy egov.kz "elektrondyq úkimet" memlekettik qyzmetter portaly arqyly qabyldanady. Bilim jáne ǵylym ministrliginiń habarlaýynsha, qujat 2020 jyldyń 27 shildesinen bastap 31 qazanǵa deiin qabyldanady. Bul týraly «Ult» portaly habarlaidy.
"Halyqaralyq baǵdarlamalar ortalyǵynyń" málimetine sáikes, 2020 jyly "Bolashaq" baǵdarlamasyna úmitkerlerdi irikteýge ózgeris engizildi, iaǵni, konkýrsqa qabyldaý formaty modernizatsiialandy. Soǵan sáikes, bilim jáne ǵylym ministrliginiń normativtik-quqyqtyq aktilerine birqatar ózgeris engizildi. Ol eń aldymen baǵdarlama stipendiiasyn taǵaiyndaýdy ashyq túrde júrgizýge, shákirtaqyǵa úmiti bar barlyq qatysýshyǵa teń múmkindik berýge, irikteýdiń obektivtiligin nyǵaitýǵa jáne biýrokratiialyq tosqaýyldar men ózge de ilespe máselelerdi sheshýge baǵyttalǵan.
Ortalyq málimetine sáikes, stipendiia beriletin basym mamandyqtar tizimi jasalady. Ony qurastyrý kezinde naryqtaǵy mamandyqtar eskeriledi. Sondai-aq, halyqaralyq stipendiiaǵa úmitkerge arnalǵan kvota sanaty qysqarady. Endi qatysýshylardy aýyldyq jáne qalalyq jer azamaty dep bólip-jarmai, barlyq úmitkerdiń múmkindigi teń bolady. Engizilgen ózgeriske sáikes, úmitker sheteldiń joǵary oqý ornyna ózi túsýi qajet. Tildik kýrstarǵa qatysý da qysqarady, tek aýyldyq jerden shyqqan úmitker boiynsha tildik daiyndyq kýrsyna qatysa alady. Eń mańyzdysy, endi úmitkerdiń shetel tilin bilý deńgeii kem degende IELTS 6.5 bolýy tiis, qazaq tilin B1 deńgeiinde meńgergenin rastaidy.
2020 jyly "Bolashaq" baǵdarlamasy arqyly akademiialyq oqý boiynsha 85 mamandyq jáne taǵylymdamadan ótý boiynsha 95 basymdyqqa ie mamandyq usynyldy. Akademiialyq oqý men taǵylymdamadan ótýge sáýlet jáne qurylys, injenerlik-tehnikalyq, aqparattyq-kommýnikatsiialyq, aýyl sharýashylyǵy jáne veterinariia, jaratylystaný ǵylymdary, gýmanitarlyq mamandyqtar jáne bilim berý, áleýmettik ǵylymdar, biznes jáne quqyq, meditsina ǵylymdary, óner jáne shyǵarmashylyq salasyndaǵy mamandyqtar boiynsha barýǵa bolady.
Baǵdarlama arqyly magistratýraǵa tapsyrýshy úmitker aǵylshyn tilinde bilim alýdy kózdese jáne aǵylshyn tili resmi bolyp tabylmaityn elde bilim alýdy tańdaǵan jaǵdaida, aǵylshyn tilinde tańdap alǵan mamandyǵy boiynsha keminde úsh oqý baǵdarlamasy bolýy qajet. Al usynylǵan baǵdarlamanyń birine mamandyq ataýy sáikes kelmese, óz betinshe túsken úmitkerdiń qujattaryn jumys organy jeke qaraityn bolady. Alaida baǵdarlama stipendiiasynyń shekti baly áli jariialanǵan joq.
Taǵy bir ózgeris – halyqaralyq stipendiia taǵaiyndaýǵa qatysatyn barlyq úmitker úshin konkýrstyq irikteý kezeńderiniń sany qysqardy. Buǵan deiin úmitker alty kezeńnen ótetin bolsa, endi onyń ornyna úsh kezeń bolady.
Atalǵan ózgeristerdiń engizilýiniń basty maqsaty – halyqaralyq baǵdarlamanyń stipendiiasy júzden júirik shyǵatyn úzdik úmitkerlerge beriledi. Sonymen qatar tek qana úmitkerlerge ǵana emes, táýelsiz saraptamalyq komissiianyń jumysyna jáne onyń quramyndaǵy azamattarǵa qoiylatyn talap ta kúsheidi. Buryn komissiia quramynda úsh adam sheshim shyǵarsa, endi bul qatar taǵy eki azamatpen tolyqty. Onlain formatta úmitkerlerdi irikteýdiń tutas protsesi jáne komissiia otyrystarynyń qalai ótkeni kórsetiletin bolady.
"Halyqaralyq baǵdarlamalar ortalyǵynyń" prezidenti Ainur Káribozova ózgeristerdi engize otyryp, osy ýaqytqa deiin bolǵan barlyq yqtimal sybailas jemqorlyq táýekelin joiýǵa tyrysqanyn jetkizdi. Sondai-aq, bul ózgerister "Bolashaq" stipendiiasyn taǵaiyndaýda ashyqtyq formatyn arttyrýǵa baǵyttalyp otyr. Elimizdegi tek úzdikterdiń úzdigi ǵana halyqaralyq prezident stipendiiasy boiynsha bilim alsa eken deimiz, dedi Káribozova.
Aita keteiik, "Bolashaq" baǵdarlamasy 1993 jyly 5 qarashada Elbasy Nursultan Nazarbaevtyń qaýlysymen quryldy. Sol ýaqyttan beri 26 jyl ishinde 10 738 maman shetelde bilim alyp, daiarlandy. Baǵdarlama túlekteri men stipendiattary arasynda aqparattyq tehnologiia men júieleý, esepteý tehnikasy jáne baǵdarlamalyq qamtamasyz etý mamandyqtary kóbirek suranysqa ie. Bul qatarǵa kommýnikatsiialyq menedjment, jýrnalistika, qoǵammen bailanys jáne jarnama mamandyqtary kiredi. Pedagogika, munai-gaz, sáýlet jáne qurylys, quqyq salasy da suranysqa ie mamandyqtar qatarynda bar.
Sonymen qatar 2020 jyly baǵdarlama sheńberinde bilim alýǵa bolatyn 138 joǵary oqý ornynyń tizimi shyqty, al bul tizimde meditsinalyq mamandyqtar nemese óner salasyndaǵy mamandyqtar boiynsha daiyndyq júrgiziletin shetel mamandandyrylǵan oqý orny bolmaǵan jaǵdaida, jumys organy úmitkerdiń qujattaryn bólek qaraidy.
