Foto: kfb.kz
Qazaqstandyq Gúlsaia Erjan Tailand astanasy Bangkok qalasynda 22 jasqa deiingiler arasynda ótip jatqan Aziia chempionatynda jeńimpaz atandy, dep habarlaidy "Ult aqparat" QazAqparat agenttigine silteme jasap.
Ótken jyly Iordaniia astanasy Ammanda eresekter arasynda kúmis júldege qol sozǵan Gúlsaia bul joly 81 kelige deiingi salmaqtyń finalynda sharshy alań iesi Pornippa Chýtimen ringke shyqty.
Tóreshiler birinshi raýndta jergilikti boksshy basym dep tapqanymen, ekinshi kezeńde Gúlsaia tarazy basyn ózine aýdardy. Qorytyndy esep – 3:2, Gúlsaia Erjannyń paidasynda.
Osylaisha, Qazaqstan qyzdar quramasy Aziia birinshiliginde 2 altyn, 7 qola medaldi jeńip aldy.
Budan buryn Jasmin Qizatova (70 kg) chempion atansa, Móldir Toikova (50 kg), Ánel Saqysh (54 kg), Viktoriia Grafeeva (57 kg), Shahnaz Isaeva (60 kg), Nazerke Serik (63 kg), Aqnar Ishanova (66 kg) jáne Dana Didai (75 kg) qola júldege ie bolǵan edi.
