Serbiianyń Belgrad qalasynda bokstan halyqaralyq týrnir máresine jetti, dep habarlaidy Olympic.kz saity.
Qazaqstan quramasy «Belgrade Winner» halyqaralyq básekesin eki altyn, eki kúmis jáne úsh qola júldemen aiaqtady.
Atap aitqanda, 52 kelige deiingi salmaq dárejesinde judyryqtasqan Sáken Bibosynov el qorjynyna alǵashqy «altyndy» saldy.
Al Ertýǵan Zeinýllinov jarysta qarsylas shaq keltirmei, 63 kelige deiingi salmaq dárejesinde top jardy.
81 kelide Nurbek Oralbai men 91 kelide synǵa túsken Vasilii Levit kúmispen kúpteldi.
Taǵy úsh boksshymyz: Abylaihan Júsipov (69 kg), Raiys Nurqanat (75 kg) jáne Nurlan Saparbai (+91 kg) qorjyndy úsh qola medalmen tolyqtyrdy.
