Foto:olympic.kz
Bokstan Qazaqstan quramasynyń jańa bas bapkeri taǵaiyndaldy. Boksshylar komandasyn Qairat Sátjanov jattyqtyratyn boldy, dep habarlaidy federatsiianyń baspasóz qyzmetine silteme jasaǵan Olympic.kz.
Qairat Sátjanov bokstan Qazaqstan Respýblikasyna eńbek sińirgen jattyqtyrýshy. Onyń bapkerlik ótili 34 jyldy quraidy. 2021-2022 jyldary bokstan Qazaqstan ulttyq quramasynyń bas bapkeri bolyp qyzmet etken. 2024 jyldan bastap jastar quramasynyń aǵa jattyqtyrýshysy.
2021 jyly ótken bokstan álem chempionatynda (Serbiia) Qazaqstan erler quramasy 2 altyn, 2 kúmis jáne 1 qola medalmen jalpy komandalyq esepte ekinshi oryn aldy.
2022 jyly Iordaniiada ótken Aziia birinshiliginde de ekinshi oryn ielendi (3 altyn, 6 kúmis jáne 3 qola).
2024 jyly Astanada ótken jastar arasyndaǵy Aziia birinshiliginde Sátjanovtyń jetekshiligimen Qazaqstan quramasy komandalyq esepte birinshi oryn aldy (5 altyn, 1 kúmis jáne 3 qola).
Jeke bapker retinde Sátjanov bokstan 7 álem, 43 Aziia chempionyn tárbielgen.
Qazirgi tańda jańa bapkerlik quram jasaqtalýda. Atap aitar bolsaq, sheteldik keńesshi jattyqtyrýshylar, fizikalyq daiyndyq jónindegi jattyqtyrýshy jáne ǵylymi top músheleri bar.
Sondai-aq, komandada bas bapkerdiń jeke shákirti bolmaýy qajettigi jaily talap qoiyldy.
