Bokstan Qazaqstan quramasy 5 qazanda Niý-Iorkte Derevianchenkoǵa qarsy aiqas ótkizetin Gennadii Golovkinge sáttilik tiledi, dep habarlaidy "Ult aqparat".
«Qazaqstan kásipqoi boks federatsiiasy» áleýmettik jelidegi paraqshasynda habarlanǵandai, komandanyń atynan bas bapker Ǵalymbek Kenjebaev sóz sóiledi. Ǵalymbek Kenjebaev kezinde Gennadii Golovkindi jattyqtyrǵan bolatyn.
Aita ketsek, keshe bokstan Qazaqstan quramasy Reseidegi álem chempionatynan elge oraldy. Álemdik birinshilikten qazaq boksshylary 1 altyn, 1 kúmi, 4 qola medalmen oraldy. Álem chempionatyna shyǵar aldynda Golovkin ulttyq quramaǵa sáttilik tilep, qoldaý bildirgen bolatyn. ⠀
Eske sala ketsek, Qazaqstandyq kásipqoi boksshy Gennadii Golovkin (39-1-1, 35KO) men ýkrainalyq Sergei Derevianchenkonyń (13-1, 10KO) jekpe-jegi 5 qazanda Niý-Iorktegi (AQSh) «Madison Square Garden» arenasynda ótedi. Boksshylar IBF nusqasy boiynsha bos turǵan orta salmaqtaǵy álem chempiony titýlyna talasatyny buǵan deiin habarlanǵan edi. Kóp ótpei atalmysh aiqasta odan bólek IBO vakantty titýly sarapqa salynatyny habarlandy. Qos qarsylas buǵan deiin alǵash ret betpe-bet kezdesip, kóz arbasqan edi.
