Shymkent qalasynda bokstan áielder arasynda Qazaqstan chempionaty márege jetti, dep habarlaidy "Ult aqparat".
Iordaniiada olimpiada joldamasy úshin ótken týrnirde Qazaqstannan jalǵyz joldamany utyp alǵan qostanailyq Nadejda Riabets 75 kg salmaqta London olimpiadasynyń qola júldegeri, elordalyq Marina Volnovamen qolǵap túiistirdi.
Ringke bes jylǵy úzilisten keiin qaita oralǵan Qazaqstannyń eńbek sińirgen sport sheberi M.Volnova 31-de bolsa, qarsylasy odan baqandai 11 jasqa kishi edi.
Bul básekede tóreshiler jeńisti biraýyzdan N.Riabetske berdi.
Shymkenttik Fariza Sholtai men qaraǵandylyq Violetta Kniazeva 81 kg salmaqta chempiondyq ataqty sarapqa saldy. Munda F.Sholtai qazylardyń biraýyzdan sheshimimen jeńimpaz atandy.
Asa aýyr salmaqta (81 kg joǵary) elordalyq, 2016 jylǵy álem chempiony Lázzat Kúngeibaeva men taǵy bir shymkenttik Dina Islambekova sharshy alańǵa shyqty.
Lázzat 32-ge tolsa, 20 jastaǵy Dina jastar arasynda álem birinshiliginde top jarǵan bolatyn. L.Kúngeibaeva 4:1 esebimen kezekti ret el chempiony atandy.
Osylaisha áielder arasynda barlyq jeńimpazdar belgili boldy. Erler arasynda finaldyq báseke bastaldy.
