شىمكەنت قالاسىندا بوكستان ەيەلدەر اراسىندا قازاقستان چەمپيوناتى مەرەگە جەتتٸ, دەپ حابارلايدى "ۇلت اقپارات".
يوردانييادا وليمپيادا جولداماسى ٷشٸن ٶتكەن تۋرنيردە قازاقستاننان جالعىز جولدامانى ۇتىپ العان قوستانايلىق نادەجدا ريابەتس 75 كگ سالماقتا لوندون وليمپياداسىنىڭ قولا جٷلدەگەرٸ, ەلوردالىق مارينا ۆولنوۆامەن قولعاپ تٷيٸستٸردٸ.
رينگكە بەس جىلعى ٷزٸلٸستەن كەيٸن قايتا ورالعان قازاقستاننىڭ ەڭبەك سٸڭٸرگەن سپورت شەبەرٸ م.ۆولنوۆا 31-دە بولسا, قارسىلاسى ودان باقانداي 11 جاسقا كٸشٸ ەدٸ.
بۇل بەسەكەدە تٶرەشٸلەر جەڭٸستٸ بٸراۋىزدان ن.ريابەتسكە بەردٸ.
شىمكەنتتٸك فاريزا شولتاي مەن قاراعاندىلىق ۆيولەتتا كنيازەۆا 81 كگ سالماقتا چەمپيوندىق اتاقتى ساراپقا سالدى. مۇندا ف.شولتاي قازىلاردىڭ بٸراۋىزدان شەشٸمٸمەن جەڭٸمپاز اتاندى.
اسا اۋىر سالماقتا (81 كگ جوعارى) ەلوردالىق, 2016 جىلعى ەلەم چەمپيونى لەززات كٷنگەيباەۆا مەن تاعى بٸر شىمكەنتتٸك دينا يسلامبەكوۆا شارشى الاڭعا شىقتى.
لەززات 32-گە تولسا, 20 جاستاعى دينا جاستار اراسىندا ەلەم بٸرٸنشٸلٸگٸندە توپ جارعان بولاتىن. ل.كٷنگەيباەۆا 4:1 ەسەبٸمەن كەزەكتٸ رەت ەل چەمپيونى اتاندى.
وسىلايشا ەيەلدەر اراسىندا بارلىق جەڭٸمپازدار بەلگٸلٸ بولدى. ەرلەر اراسىندا فينالدىق بەسەكە باستالدى.
