Qazaqstandyq boksshy Vasilii Levit 91 kelide Reseidiń Ekaterinbýrg qalasynda ótip jatqan bokstan álem chempionatyndaǵy alǵashqy kezdesýin sátti bastady, dep habarlaidy "Ult aqparat".
Vasilii Levit búgin 1/8 finalda Slovakiiadan kelgen David Mihalekpen qolǵap túiistirdi. Nátijesinde qarsylasyn jeńip ketti.
Vasilii Levit buǵan deiin álem chempionatynda eki márte synǵa túsken edi. 2009 jyly medalden qur qalsa, 2017 jyly qola júldeger atandy.
Búgin Qazaqstan boksshylary qatarynan Qairat Eraliev (57 keli) pen Bekzat Nurdáýletov (81 keli) jeńiske jetip, jarystyń 1/8 satysyna joldama aldy.
