Reseidiń Ekaterinbýrg qalasynda ótip jatqan bokstan álem chempionatynda Qairat Eráliev jarystan shyǵyp qaldy, dep habarlaidy "Ult aqparat".
Ol 57 keli salmaqta ózbek boksshysy Mirazizbek Mirzahalilovpen qolǵap túiistirgen edi. Degenmen bul kezdesýde Qairat qarsylasyna ese jiberip qoidy. Osylaisha jartylai finalǵa ózbekstandyq bylǵary qolǵap sheberi joldama aldy.
Buǵan deiin qazaqstandyq boksshylar qatarynan jartylai finalǵa Sáken Bibosynov (52 keli), Tursynbai Qulahmet (75 keli) jáne Vasilii Levit (91 keli) joldama alǵan edi.
Sondai-aq, búgin Abylaihan Júsipov (69 keli) Dominikan Repýblikasynan kelgen Roan Polankomen, Bekzat Nurdáýletov (81 keli) túrkiialyq Bairam Malkanmen, Qamshybek Qońqabaev (91 keliden joǵary) Germaniiadan kelgen Nelvi Tilfakpen sharshy alańǵa shyǵady.
