Reseidiń Ekaterinbýrg qalasynda bokstan ótip jatqan álem chempionatynda jartylai finalǵa shyqqan boksshylarymyzdyń qarsylastary belgili boldy, dep habarlaidy "Ult aqparat".
Keshe bokstan álem birinishiliginde shirek finaldyq jekpe-jekter ótip, Qazaqstan quramasynan alty boksshy jartylai finalǵa joldama aldy. Bul degenimiz qorjynymyzda 6 medal bar degen sóz. Endi onyń nesheýi kúmis, nesheýi altyn bolatynyn aldaǵy ýaqyt kórsetedi.
Búgin sol alty alty boksshymyz jartylai finalda judyryqtasady.
Atap aitar bolsaq, 52 keli salmaqta el namysyn qorǵap jatqan Sáken Bibosynov úndistandyq Amit Panghal men sharshy alańda kezdesse, 69 keli salmaqta Abylaihan Júsipov sharshy alań qojaiyny Andrei Zamkovoimen qolǵap túiistiredi.
75 keli salmaqta jartylai finalǵa súrinbei jetken Tursynbai Qulahmet Filippin boksshysy Eýmir Marsialmen judyryqtasady. Al 81 keli salmaqtaǵy boksshymyz Bekzat Nurdáýletov jartylai finalda kýbalyq Hýlio La Krýs kútip tur. Rio Olimpiadasynda el qorjynyna kúmis júlde syilaǵan 91 keli salmaqtaǵy Vasilii Levit jartylai finalda Ekvador boksshysy Hýlio Kastilomen jekpe-jekke shyǵady.
Asa aýyr salmaqtaǵy (+91 keli) Qamshybek Qońqabaev bolsa avstraliialyq Djýstis Hýnimen finaldyq básekeni synǵa salady.
Ekaterinbýrg qalasynda ótip jatqan álem birinshiligine Qazaqstan quramasynan 8 boksshy attanǵan bolatyn. Ókinishke qarai, olardyń arasynan 63 keli salmaqta el namysyn qorǵap jatqan Zákir Safiýllin 1/8 ainalymda 2017 jylǵy álem chempiony jáne Panamerika oiyndarynyń eki dúrkin jeńimpazy, kýbalyq Endi Krýz Gomesten utylyp qalsa, keshe ǵana shirek finaldyq jekpe jekte osydan eki jyl burynǵy álem chempionatynda jeńis tuǵyrynyń eń biik satysynan kóringen 57 kelidegi Qairat Eraliev ózbek boksshysynan utylyp qaldy.
Aita ketsek, búgin boksshylar úshin demalys kúni. Jartylai finaldyq kezdesýler 20 qyrkúiek bastalady. Kúndizgi sessiia Nur-Sultan ýaqytymen 17.00-de bastalsa keshki sessiia – 20.00-de. Al 21 qyrkúiek kúni finaldyq básekeler 17.00-20.30 aralyǵynda ótedi.
