Áleýmettik jelide Olimpiada chempiony, boksshy Daniiar Eleýsinovniń ustalǵany týraly aqparat tarady, dep habarlaidy ult.kz, tengrinews-ke silteme qaldyra otyryp.
Astana qalasynyń Politsiia departamenti elordada eki jol-kólik oqiǵasy bolǵanyn rastady. Vedomstvonyń málimetinshe, aldyn ala derekter boiynsha, Toyota Land Cruiser kóliginiń júrgizýshisi birneshe avtokólikpen soqtyǵysyp, oqiǵa ornynan ketip qalǵan.ia
Politseiler jedel izdestirý sharalary barysynda kólikti Dostyq kóshesinen anyqtap, toqtatqan. Rólde alkogoldik masańdyq belgileri bar 35 jastaǵy er adam bolǵan. Jol apattarynan zardap shekkender joq, tek kólikterge materialdyq zalal kelgen.
Politsiia júrgizýshiniń jeke basyn alǵashynda jariialamaǵanymen, keiin onyń Olimpiada chempiony Daniiar Eleýsinov ekenin rastady. Qazirgi tańda oǵan qatysty qoldanystaǵy zańnamaǵa sáikes protsessýaldyq sharalar júrgizilip jatyr.
Sondai-aq Politsiia departamenti:
«Jaýapkershilik adamnyń tanymaldylyǵyna, kásibine, laýazymyna nemese eńbegine bailanysty emes. Zańdy buzǵan árbir azamat belgilengen tártippen jaýapqa tartylady», - dep málimdedi.
Aita keteiik, Daniiar Eleýsinov 2016 jylǵy Jazǵy Olimpiada oiyndarynda Qazaqstan quramasyna altyn medal syilaǵan bolatyn. Biyl 13 naýryzda ol 35 jasqa toldy.
