ەلەۋمەتتٸك جەلٸدە وليمپيادا چەمپيونى, بوكسشى دانييار ەلەۋسينوۆنٸڭ ۇستالعانى تۋرالى اقپارات تارادى, دەپ حابارلايدى ult.kz, tengrinews-كە سٸلتەمە قالدىرا وتىرىپ.
استانا قالاسىنىڭ پوليتسييا دەپارتامەنتٸ ەلوردادا ەكٸ جول-كٶلٸك وقيعاسى بولعانىن راستادى. ۆەدومستۆونىڭ مەلٸمەتٸنشە, الدىن الا دەرەكتەر بويىنشا, Toyota Land Cruiser كٶلٸگٸنٸڭ جٷرگٸزۋشٸسٸ بٸرنەشە اۆتوكٶلٸكپەن سوقتىعىسىپ, وقيعا ورنىنان كەتٸپ قالعان.يا
پوليتسەيلەر جەدەل ٸزدەستٸرۋ شارالارى بارىسىندا كٶلٸكتٸ دوستىق كٶشەسٸنەن انىقتاپ, توقتاتقان. رٶلدە الكوگولدٸك ماساڭدىق بەلگٸلەرٸ بار 35 جاستاعى ەر ادام بولعان. جول اپاتتارىنان زارداپ شەككەندەر جوق, تەك كٶلٸكتەرگە ماتەريالدىق زالال كەلگەن.
پوليتسييا جٷرگٸزۋشٸنٸڭ جەكە باسىن العاشىندا جارييالاماعانىمەن, كەيٸن ونىڭ وليمپيادا چەمپيونى دانييار ەلەۋسينوۆ ەكەنٸن راستادى. قازٸرگٸ تاڭدا وعان قاتىستى قولدانىستاعى زاڭناماعا سەيكەس پروتسەسسۋالدىق شارالار جٷرگٸزٸلٸپ جاتىر.
سونداي-اق پوليتسييا دەپارتامەنتٸ:
«جاۋاپكەرشٸلٸك ادامنىڭ تانىمالدىلىعىنا, كەسٸبٸنە, لاۋازىمىنا نەمەسە ەڭبەگٸنە بايلانىستى ەمەس. زاڭدى بۇزعان ەربٸر ازامات بەلگٸلەنگەن تەرتٸپپەن جاۋاپقا تارتىلادى», - دەپ مەلٸمدەدٸ.
ايتا كەتەيٸك, دانييار ەلەۋسينوۆ 2016 جىلعى جازعى وليمپيادا ويىندارىندا قازاقستان قۇراماسىنا التىن مەدال سىيلاعان بولاتىن. بيىل 13 ناۋرىزدا ول 35 جاسقا تولدى.
