Qazaqstandyq kásipqoi boksshy Sadriddin Ahmetov Atyraý munai jáne gaz ýniversitetiniń eki stýdentine óz qarajaty esebinen eki grant bóldi, – dep habarlaidy QazAqparat.
«Safi Ótebaev atyndaǵy Atyraý munai jáne gaz ýniversitetine baǵy janǵan stýdentke eki grant buiyrǵaly tur. Barlyq ýniversitetke bolashaqta sportshylardyń atynan grant buiyra bersin», - dep jazdy sportshy Instagram-paraqshasynda.
Eske salsaq, byltyr 7 jeltoqsan kúni Kanadanyń Monreal qalasynda David Leme (41-4, 34 KO) men Maksim Býrsaktyń (35-6-2, 16 KO) boks keshi ótken edi. Onyń aiasynda Sadriddin Ahmedov (11-0, 10 KO) te kezekti jekpe-jegin ótkizdi. «Soldat Q»-dyń qarsylasy argentinalyq boksshy Hose Antonio Vilialobos (12-6-2, 7 KO) boldy. On raýndqa eseptelgen jekpe-jek jetinshi raýndta merziminen buryn aiaqtalyp, Ahmedov opponentin aýyr nokaýtqa jiberdi.
Al keshe qazaqstandyq boksshy Halyqaralyq boks uiymynyń (IBO) reitinginde óz salmaǵynda 27-shi orynda turǵany habarlandy.
