قازاقستاندىق كەسٸپقوي بوكسشى سادريددين احمەتوۆ اتىراۋ مۇناي جەنە گاز ۋنيۆەرسيتەتٸنٸڭ ەكٸ ستۋدەنتٸنە ٶز قاراجاتى ەسەبٸنەن ەكٸ گرانت بٶلدٸ, – دەپ حابارلايدى قازاقپارات.
«سافي ٶتەباەۆ اتىنداعى اتىراۋ مۇناي جەنە گاز ۋنيۆەرسيتەتٸنە باعى جانعان ستۋدەنتكە ەكٸ گرانت بۇيىرعالى تۇر. بارلىق ۋنيۆەرسيتەتكە بولاشاقتا سپورتشىلاردىڭ اتىنان گرانت بۇيىرا بەرسٸن», - دەپ جازدى سپورتشى Instagram-پاراقشاسىندا.
ەسكە سالساق, بىلتىر 7 جەلتوقسان كٷنٸ كانادانىڭ مونرەال قالاسىندا داۆيد لەمە (41-4, 34 كو) مەن ماكسيم بۋرساكتىڭ (35-6-2, 16 كو) بوكس كەشٸ ٶتكەن ەدٸ. ونىڭ اياسىندا سادريددين احمەدوۆ (11-0, 10 كو) تە كەزەكتٸ جەكپە-جەگٸن ٶتكٸزدٸ. «سولدات Q»-دىڭ قارسىلاسى ارگەنتينالىق بوكسشى حوسە انتونيو ۆيليالوبوس (12-6-2, 7 كو) بولدى. ون راۋندقا ەسەپتەلگەن جەكپە-جەك جەتٸنشٸ راۋندتا مەرزٸمٸنەن بۇرىن اياقتالىپ, احمەدوۆ وپپونەنتٸن اۋىر نوكاۋتقا جٸبەردٸ.
ال كەشە قازاقستاندىق بوكسشى حالىقارالىق بوكس ۇيىمىنىڭ (IBO) رەيتينگٸندە ٶز سالماعىندا 27-شٸ ورىندا تۇرعانى حابارلاندى.
