Búgin Iordaniianyń Amman qalasynda ótip jatqan bokstan Olimpiadaǵa irikteý týrnirinde 75 keli salmaqta Bekzat Nurdáýletov sharshy alańǵa shyqty, dep habarlaidy "Ult aqparat".
Ol alǵashqy aiqasyn Jańa Zelandiia ókili Jerom Pompellonege qarsy ótkizdi. Asa tartysty jekpe-jekte iń qorytyndysynda tóreshiler jeńisti qazaqstandyq boksshyǵa berdi.
Osylaisha, Ǵalymbek Kenjebaev baptap, bastap barǵan segiz boksshynyń ekeýi alǵashqy aiqastaryn jeńispen aiaqtap, kelesi ainalymǵa ótti.
Osyǵan deiin 63 keli salmaqta Zákir Safiýllin sharshy alańǵa shyǵyp, alǵashqy jekpe-jeginde jeńiske jetkeni týraly jazǵan bolatynbyz.
Aita keteiik, Bekzat Nurdáýletov ótken jyldyń qyrkúiek aiynda Reseidiń Ekaterinbýrg qalasynda bokstan ótken álem chempionatynda jasyndai jarqyrap, jeńis tuǵyrynyń eń biik satysynan kóringen bolatyn.
Onda ol jartylai finalda 81 kelige deiingi salmaq dárejesinde tóreshilerdiń sheshimimen tórt dúrkin álem chempiony jáne Rio-2016 Olimpiada chempiony kýbalyq Hýlio Sesar la Krýstan basym tústi. Tipti, ekinshi raýndta Nurdáýletov qarsylasyn nokdaýnǵa jibergeni de esimizde.
Sondai-aq, búgin keshki sessiiada taǵy bir boksshymyz 75 keli salmaqta Ábilhan Amanqul Olimpiada joldamasyna talasty bastaidy.
