Qazaqstandyq boksshylar Ábilhan Amanqul, Abylaihan Júsipov, Bek Nurmaǵanbet jáne Evgenii Pavlov 4 maýsym kúni Minneapolis (Minnesota shtaty, AQSh) qalasynda ótetin boks keshiniń anderkardynda óner kórsetedi. Bul týraly Suleimen Promotions kompaniiasy habarlady, dep jazady Vesti.kz saity.
Joǵaryda atalǵan boksshylar Tom Brown (TGB Promotions) uiymdastyratyn boks keshiniń anderkardynda sharshy alańǵa shyǵady. Al osy keshtiń basty aiqasynda amerikalyq Stiven Fýlton men Daniel Roman ekinshi jeńil salmaqta WBC jáne WBO belbeýi úshin jekpe-jek ótkizedi.
Aita keteiik, Amanqul - 2017 álem chempionatynyń, 2018 jylǵy Aziia oiyndarynyń kúmis júldegeri. Júsipov bolsa úsh márte (2017, 2018, 2021) álem chempionatynda qola júlde jeńgen. Nurmaǵanbet 2019 jyly Aziia chempiony atansa, Pavlov osy ýaqytqa deiin kásipqoi boksta óner kórsetken.
