QR Indýstriia jáne infraqurylymdyq damý ministrligi bógde adamdardy perronǵa kirgizbeý jospary týraly túsindirdi, dep habarlaidy QazAqparat.
«Bógde kelýshilerge perronǵa ótkizbeýdi bizdiń ministrlik usyndy. Ázirge «Nurly jol» men Qaraǵandy vokzalyna osy júieni engizip, týrniketter qoiyp, perronǵa tek jolaýshylar jiberiledi. Bul tájiribe kóptegen elderde bar. Shyǵaryp salatyn adamdar vokzalda qoshtasýy tiis», - dedi QR IIDM Kólik komiteti tóraǵasynyń orynbasary Jánibek Taijanov ministrlikte ótken baspasóz máslihatynda.
Onyń aitýynsha, bul shara alypsatarlar men biletsiz jolaýshylardyń perronǵa ótýine jol bermeidi.
«Pilottyq joba retinde «Qazaqstan temir joly» kompaniiasymen talqylap jatyrmyz. Bul jobanyń qarjylyq shyǵyndary da bar», - dedi spiker.
Eske sala ketsek, J. Taijanov vagon men bilet tapshylyǵyn joiý sharalary jóninde de áńgimelegen edi.
